LAJMI I FUNDIT:

Rusia paraqet kushtin ndaj bisedimeve për paqe në Ukrainë

Rusia paraqet kushtin ndaj bisedimeve për paqe në Ukrainë

Negociatat e paqes për Ukrainën janë të mundshme vetëm nëse synojnë vendosjen e një “rendi të ri botëror” pa dominimin e SHBA-së, tha ministri i Jashtëm rus Sergei Lavrov gjatë një udhëtimi në Turqi të premten.

“Ajo që duhet të diskutohet është se në çfarë do të bazohen parimet e rendit të ri botëror, për të cilin ne të gjithë kemi nevojë”, tha ai, raporton Euronews, përcjell Telegrafi.

Lavrov shtoi se në vend të një rendi botëror të njëanshëm, ky duhet të bazohet “në parimet e Kartës së OKB-së, të cilat, e theksoj edhe një herë, shkelen drejtpërdrejt nga Perëndimi kolektiv”.

Lavrov është në Turqi për të diskutuar marrëveshjen e grurit të Ukrainës

Ministri i Jashtëm rus Lavrov ndodhet në Ankara për bisedime me homologun e tij turk Mevlut Çavuşoglu rreth marrëveshjes së grurit të korrikut 2022 që lejoi zhbllokimin e pjesshëm të porteve dhe eksportimin e produkteve bujqësore nga Ukraina nëpërmjet Detit të Zi.

Moska fajëson vendet evropiane për gjoja injorimin e një pjese të marrëveshjes për eksportet e grurit nga Rusia dhe sipas Lavrov, marrëveshja mund të rivlerësohet nëse vendet perëndimore nuk i rishikojnë sanksionet e tyre ndaj eksporteve ruse.

Turqia, një anëtare e NATO-s, po përpiqet të bindë Moskën dhe Kievin që të rifillojnë bisedimet e paqes, duke shpresuar të ndërtojë në përpjekjet diplomatike të bëra vitin e kaluar.

“Megjithë ndërlikimin e situatës ndërkombëtare, dialogu politik ruso-turk, kryesisht në nivel të krerëve të dy shteteve, vazhdon”, thuhet në deklaratën e Ministrisë së Jashtme ruse të lëshuar para fillimit të vizitës së Lavrov.

Ministria e Jashtme ruse tha se ishte dakord të zgjaste marrëveshjen e grurit “si një gjest i vullnetit të mirë për 60 ditë të tjera”.

Turqia ka kërkuar një shtyrje prej 120 ditësh, në përputhje me marrëveshjen fillestare. Ukraina është një nga prodhuesit kryesorë të drithit në botë.

Marrëveshja e ndërmjetësuar nga OKB-ja dhe Turqia në korrik të vitit 2022 ka lejuar deri më tani eksportin e më shumë se 25 milionë tonë drithë. /Telegrafi/

Në trend Botë

Më shumë
Publikohen videot intime në zyre të ushtarakut ukrainas - ai po kërkohet për tradhti kombëtare në Kiev

Publikohen videot intime në zyre të ushtarakut ukrainas - ai po kërkohet për tradhti kombëtare në Kiev

Evropa
Putin thotë se Rusia nuk do të sulmojë NATO-n, por kjo nuk vlen për aeroplanët F-16 që dërgohen në Ukrainë

Putin thotë se Rusia nuk do të sulmojë NATO-n, por kjo nuk vlen për aeroplanët F-16 që dërgohen në Ukrainë

Botë
Votimi kundër Kosovës në Këshillin e Evropës nga Mali i Zi, heshtin kryeministri Spajiq, ministri i jashtëm Ivanoviq dhe partia në pushtet “PES”

Votimi kundër Kosovës në Këshillin e Evropës nga Mali i Zi, heshtin kryeministri Spajiq, ministri i jashtëm Ivanoviq dhe partia në pushtet “PES”

Botë
Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin

Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin

Botë
Biden thotë se kombet arabe,

Biden thotë se kombet arabe, "të përgatitura për të njohur plotësisht Izraelin" për herë të parë

Botë
Një veprim që ka

Një veprim që ka "fituar zemrat në mbarë botën" - oficeri i sigurisë në Mekë ndihmon pelegrinin me aftësi të kufizuara për të parë Qaben

Botë
Kalo në kategori