Propaganda dhe dezinformatat e Kremlinit arrijnë drejtpërdrejt në Serbi dhe Mal të Zi përmes Russia Today (RT) dhe Sputnik.
Kështu thekson koordinatori i Qendrës për Angazhim Global (GEC), James Rubin duke shtuar se këto medie që financohen nga Kremlini gjithashtu po përdorën për të përçarë Maqedoninë e Veriut.
“Mali i Zi ka pasur një marrëdhënie politike me Serbinë. Serbia është i vetmi vend në Ballkan ku RT dhe Sputnik ende transmetojnë programin e tyre. RT dhe Sputnik gjithashtu kanë versionin e tyre në gjuhën serbe. Nëse jetoni në Mal të Zi pa problem mund të lexoni dezinformatat ruse drejtpërdrejt në serbisht, që vijnë nga Serbia”, thekson Rubin për Zërin e Amerikës.
“Është e nevojshme të sigurohet që RT dhe Sputnik të mos jenë në gjendje të shkaktojnë aq shumë dëme brenda Malit të Zi apo Maqedonisë së Veriut”, shton ai.
Sipas tij, Kina po e shtrembëron pamjen e botës kur është fjala për SHBA-në.
“Manipulimi i informacionit është një problem i madh për SHBA-në dhe në të gjithë botën. Kemi zbuluar se në disa raste Kina do të ofrojë falas shërbimet e saja të burimit të lajmeve për disa media të caktuara, por të themi, nëse dëshironi ta bëni këtë, nuk mund të përdorni asnjë burim tjetër informacioni”, thotë Rubin.
“Kur bëhet fjalë për SHBA-në, theksi vihet te lajmet e këqija, derisa kur bëhet fjalë për Kinën janë lajmet e mira. Është një pamje e shtrembëruar e botës”, pohon koordinatori i GEC-it.
Rubin vë në pah se Rusia dhe Kina po shpenzojnë miliarda dollarë për të kompromentuar informacionin.
“Nuk kemi asnjë problem që Kina apo Rusia të paraqesin këndvështrimin e tyre me të gjitha vendet. Është e rëndësishme të tregohet burimi dhe të jetë transparent. Kina [dhe Rusia] po shpenzon miliarda dollarë për këtë projekt”, vë në pah Rubin.
Gjithashtu, ai ka thënë se duhet të përpiqemi të tregojmë kur dora e fshehur e Rusisë po ndërhynë në hapësirën e informacionit.
“Russia Today (RT) dhe Sputnik ende ekzistojnë në Serbi, ato u përdorën për të përçarë Maqedoninë e Veriut. Tani na takon neve që të punojmë me Qeverinë e Maqedonisë së Veriut për t’u dhënë atyre kapacitetin për të monitoruar integritetin e hapësirës së informacionit, të përpiqemi të tregojmë kur dora e fshehur e Rusisë po ndërhynë në hapësirën e tyre të informacionit, të përpiqemi t’u japim atyre mjetet për të analizuar ‘helmimin’ e hapësirës së tyre të informacionit”, përfundon ai. /Telegrafi/
Lufta Prigozhin - Putin
Më shumëZelensky tregon tri llojet e armëve që i duhen Ukrainës për të mposhtur Rusinë
Ukraina tërheq nga vijat e frontit tanket amerikane Abrams për shkak të kërcënimeve nga dronët rus
Mercenari serb që lufton për rusët në Ukrainë i ankohet Putinit, thotë se nuk iu dha shtetësia ruse
Pse Greqia dhe Spanja po refuzojnë ta furnizojnë Ukrainën me sisteme të mbrojtjes ajrore?
Blinken: Rusia do të përballej me vështirësi në Ukrainë nëse nuk do të kishte ndihmën e Kinës
Erdogan shtyn vizitën në Shtëpinë e Bardhë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë