Në Kosovë vitin e fundit eksporti drejt Shteteve të Bashkuara të Amerikës ka shënuar rritje mbi 50 për qind. Vetëm deri në muajin qershor të këtij viti, kompanitë prodhuese kanë eksportuar rreth 40 milionë euro mallra në shtete të ndryshme amerikane.
Në vitin 1994, Shaqir Palushi nga një fshat i komunës së Suharekës, rreth 70 kilometra larg Prishtinës, vendosi që bashkë me vëllezërit të fillonte prodhimin e lëngjeve nga frutat.
Kompania e tij “Fruteks” sot ka të punësuar rreth 200 persona dhe eksporton prodhimet e saj edhe në Shtetet e Bashkuara.
“Në Shtetet e Bashkuara të Amerikës, eksportin e kemi filluar në fillim të vitit 2020, pavarësisht pandemisë dhe kjo mendoj që na ka penalizuar se nuk kemi pasur ndonjë shtrirje shumë të gjerë. Por, aktualisht i kemi dy partnerë, njërin e kemi në New York dhe tjetrin në California ndërsa brenda këtij muaji do të fillojmë po ashtu bashkëpunimin edhe me një partner tjetër në Pensilvania e kështu besoj se do të rritet shtrirja e produkteve në SHBA”, thotë ai.
Pijet alkoolike dhe joalkoolike janë në mesin e prodhimeve të Kosovës eksporti i të cilave në Shtetet e Bashkuara të Amerikës ka shënuar rritje, thotë zëdhënësi i Doganave të Kosovës, Adriatik Stavileci.
“Deri tash ne kemi eksportuar gjatë këtij viti rreth 40 milionë euro produkte të ndryshme, derisa nëse shikohet viti 2020 vërehet se ka pasur rritje mbi 50 për qind sepse në vitin 2020 janë eksportuar në Amerikë diku 23 milionë euro. Ndërkohë nga viti 2019 sërish i bie që ka pasur rritje shumë të madhe sepse atë vit kemi pasur vetëm 3 milionë euro mallra të eksportuara. Pra ka rritje në disa kategori që eksportohen drejt SHBA-ve”, thotë zoti Stavileci.
Arian Zeka nga Oda Ekonomike Amerikane në Prishtinë, thotë se rritjen e eksportit nga Kosova në Amerikë e ka lehtësuar në masë të madhe ajo që njihet si “aranzhman i njëanshëm preferencial tregtar”.
“Një aranzhim tregtar i cili u mundëson shteteve në zhvillim, siç është Kosova, që të eksportojnë rreth 3500 produkte në Shtetet e Bashkuara të Amerikës pa iu nënshtruar detyrimeve doganore. Në rastin tonë jemi me fat që nuk eksportojmë produkte të cilat do të përbënin konkurrencë të drejtpërdrejtë për produktet amerikane, kështu që gati të gjitha produktet që prodhohen në Kosovë bëjnë pjesë në ato të cilat lirohen nga detyrimet doganore”, thotë ai.
Palushi thotë se kjo masë e vendosur nga Shtetet e Bashkuara e ka bërë shumë të lehtë qasjen në tregun amerikan.
“Në një mënyrë a një tjetër do të thotë nuk kanë kosto më tepër pothuajse se sa kur shpërndahen në vendet e Ballkanit dhe kjo sigurisht që na jep një mundësi të mirë që ne ta rrisim prezencën tonë në këtë vend”, thotë ai.
Zeka thotë se prodhuesit në Kosovë duhet të shfrytëzojnë lehtësi të tilla edhe për të ndihmuar në rimëkëmbjen ekonomike të vendit nga pasojat e COVID-19.
“Është mirë që në tërë këtë fatkeqësi që ka godit globin e rrjedhimisht edhe Kosovën, këta 14-15 muaj prej shpërthimit të pandemisë, Kosova ka arritur që të shfrytëzojë çrregullimet që janë krijuar në zinxhirët global të furnizimit, kryesisht në ato që dikur janë njohur si fabrika globale në Kinë apo shtete të tjera aziatike. Uroj që ne të vazhdojmë të shfrytëzojmë këtë situatë të re që është krijuar pas shpërthimit të pandemisë COVID-19”, thotë ai.
Sipas të dhënave nga Dogana e Kosovës aktualisht sektorët si mobilieria, tekstili dhe pijet prijnë për nga sasia e eksporteve drejt Shteteve të Bashkuara të Amerikës. /VOA/
Lufta Prigozhin - Putin
Më shumëPasuria e guvernatorit të BQK-së, drejtorit ATK-së dhe drejtorit të Doganës
Nga 26 Qershori, PrishtinaTicket shton dhe një destinacion të ri!
Shijo detin e krejt stinëve në “Holiday In 2”
Edhe një ditë ka mbetur nga Panairi më i madh në Kosovë “Horeca”
Modë apo relaks?
GoBau – Kositëse bari
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre