Rriten investimet e bizneseve në Britani

Ekonomia e Britanisë mbeti e qëndrueshme prej shpenzimeve konsumatore, pavarësisht tkurrjes në financat e tyre, ndërsa investimet e bizneseve u ngadalësuan. Kompanitë po ngurojnë të shpenzojnë prej pasigurive të Brexit.

Në total, rritja ekonomike arriti në 0.4%, nga 0.3% që ishte në tremujorin e dytë, raporton Zyra Kombëtare e Statisitikave, duke konfirmuar të dhënat paraprake.

Detajimi i të dhënave tregoi se shpenzimet e ekonomive familjare mbështetën ekonominë përsëri, pavarësisht rënies së të ardhurave në dispozicion nga rritja e nivelit të çmimeve.

Me bazë vjetore, ekonomia u rrit me 1.5% për tremujorin e tretë, normë e pandryshuar nga tremujori i kaluar, por njëkohësisht niveli më i ulët në 5 vite.

Shpenzimet konsumatore u rritën me 0.6%, që është niveli më i lartë në 1 vit.

Zyra Kombëtare e Statistikave raportoi se ka patur rritje të shpenzimeve për transport, mbështetur nga rimëkëmbja e shitjes së makinave që ishte ngadalësuar në tremujorin e kaluar.

Investimet e bizneseve u rritën me vetëm 0.2%, që është norma më e ngadaltë deri më tani në 2017-ën.

Tregtia ka patur ndikim negativ në ekonomi, pavarësisht rënies së paundit që pritej të nxiste eksportet. /Telegrafi/