Në orët e para të mëngjesit të sotëm ka nisur dhe shembja e godinës së Teatrit Kombëtar në Tiranë. Tensionet kanë vijuar për orë të tëra ndërsa mësohet se disa dhjetëra persona, mes tyre artistë të ndryshëm që kundërshtojnë prej disa vitesh projektin për prishjen e Teatrit, shkruan Telegrafi.
Lidhur me këtë rrënim, kanë ardhur edhe reagimet e nga politika.
Presidenti Ilir Meta, thotë se urdhëri për rrënim është bërë nga mafia.
“Pak orë më parë, në kulmin e errësirës, MAFIA urdhëroi shkatërrimin, jo vetëm të një prej monumenteve të trashëgimisë kulturore më të rrezikuara të Evropës, por edhe të çdo iluzioni për ekzistencën e shtetit të së drejtës në Shqipëri”, shkruan Meta në Facebook, përcjell Telegrafi.
Kurse, kreu i opozitës, Lulzim Basha, me anë të një shkrimi në Facebook thotë se kryeministri Edi Rama me shembjen e paligjshme të Teatrit po pastron paratë e pista të klientëve të tij.
“Me shembjen e paligjshme të TK për të pastruar paratë e pista të klientëve të tij, Rama i vuri kazmën themeleve të shoqërisë sonë. Dhuna ndaj qytetarëve dhe gazetarëve është e papranueshme. Aktivistët, artistët, opozitarët e arrestuar duhet të lirohen menjëherë! Rama është varrmihësi i paqes sociale në vend, varrmihësi i ekonomisë së shqiptarëve, hajduti i pronave publike dhe një kriminel ordiner që ka shkelur dhe uzurpuar çdo pushtet. Pa shporrur atë, në këtë vend nuk do ketë as ligj, as demokraci, as zhvillim dhe as mirëqenie për njerëzit”, tha Basha, përcjell Telegrafi.
Pas shembjes së Teatrit, u prononcua kryetarja e LSI-së, Monika Kryemadhi.
“U bëj thirrje të gjithë qytetarëve që të mos e njohin më shtetin e Edi Ramës. Rama e tregoi që është një anti-shqiptar. Veliaj dhe Rama sot kanë shkatërruar historinë. Unë lutem për shpirtin e Edi Ramës pasi aty ku Rama mendon se do të hidhen themelet e kullave, aty do të jetë varri i Edi Ramës”, tha Kryemadhi, përcjell Telegrafi.
Por, kryeministri Rama me anë të një video të publikuar në Facebook, thotë se ata që protestonin për ruajtjen e godinës nuk e duan zhvillimin e kryeqytetit.
Sipas Ramës, protestuesit janë të njëjtën persona që kanë protestuar edhe për projekte të tjera madhore.
Po ashtu, delegacioni i Bashkimit Evropian në Tiranë ka reaguar për shembjen e Teatrit Kombëtar.
Në reagim në Twitter thuhet se prishja e Teatrit Kombëtar erdhi në një kohë kur ne kërkua dialog midis autoriteteve dhe shoqërisë civile para se të merrej një vendim i pakthyeshëm.
“Ne u bëjmë thirrje palëve të tregojnë përmbajtje dhe të shmangin një përshkallëzimin të situatës”, thuhet në reagim, përcjell Telegrafi.
Pasqyrimin e kësaj ngjarje e kanë dhënë edhe mediet botërore.
The Washington Post, shkruan se protestuesit u përleshen me policinë dhe se pozita bën thirrje për rrëzimin e qeverisë.
“Polica largoi nga ndërtesa një grup artistësh dhe disa drejtues të opozitës mëngjesin e së dielës përpara se makineri të rënda të nisnin shembjen e saj. Vendimi i qeverisë për shkatërrimin e Teatrit të vjetër Kombëtar, të ndërtuar nga italianët kur ata pushtuan Shqipërinë gjatë Luftës së Dytë Botërore, u kundërshtua nga artistë dhe të tjerë që kërkonin rinovimin e tij. Kreu Partisë Demokratike dhe lideri i opozitës, Lulzim Basha, i bëri thirrje qytetarëve të rrëzonin qeverinë për shkatërrimin e Teatrit”, shkruan prestigjiozja amerikane. /Telegrafi/
Promo
Reklamo këtuLufta Prigozhin - Putin
Më shumëThënie të Immanuel Kantit: Mosmirënjohja është thelbi i poshtërsisë
Dhjetë gjërat që mund t’i mësojmë nga “Thika” e shkrimtarit Salman Rushdie
POEZI PËR DASHNORIN E LARGUAR PREJ KOHËSH
Fjalë të urta popullore: Edhe diell të bëhesh, të gjithë nuk i ngroh dot!
Veshjet popullore thesar i trashëgimisë kulturore
Përdorimi i fjalëve të huaja dhe disa huazime të sotme në gjuhën shqipe
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Deputetët e shteteve që votuan kundër anëtarësimit të Kosovës në KiE
Xavi e tepron me fjalët që ia ka thënë gjyqtarit pas eliminimit të Barcelonës nga Liga e Kampionëve
“Dashuria e madhe ndaj Edit ia mori jetën, vajzat e panë të gjakosur”, flet familjarja e gruas që u vra në Pejë nga bashkëshorti
Reagon më në fund Akil Gjakova
Parashikimi i 'çmendur' i Jose Mourinhos për fundin e Ligës Premier po del i saktë
Avokati serb ironizon me presidentët serbë, tregon ku ikën ata kur Kosova shpalli pavarësinë dhe sot kur u votua për anëtarësim në KiE