Ronaldo i tha se e meritonte Topin e Artë, Vinuicius i kthen përgjigje portugezit

Vinicius Junior, ylli i Real Madridit, është kurorëzuar me çmimet për lojtarin më të mirë në botë dhe sulmuesin më të mirë për vitin 2024, gjatë ceremonisë së ndarjes së çmimeve Globe Soccer Awards në Emiratet e Bashkuara Arabe, në prani të një grupi elitar legjendash dhe yjesh të futbollit.

Në deklaratat e tij pas kurorëzimit, Vinicius u shpreh i lumtur duke thënë: “Jam shumë i lumtur që e marr këtë çmim përkrah shumë yjeve. U desh shumë përpjekje. Falenderoj të gjithë ata që ishin pranë meje”.

“Unë përfaqësoj fëmijët që u rritën duke luajtur në rrugë dhe kjo më ndihmoi shumë për të arritur këtu ku jam sot”.

Gjatë ceremonisë, legjenda portugeze, Cristiano Ronaldo, lavdëroi Vinicius, duke theksuar se ai e meritonte të fitonte Topin e Artë këtë vit, dhe ylli brazilian iu përgjigj.

“Nëse Cristiano thotë se unë jam më i miri… nder i madh për mua, ai është modeli im, përveç Neymar”, ka deklaruar ylli i Los Blancos.

Vinicius e mbylli fjalimin e tij duke falënderuar familjen dhe shokët e tij te Real Madridi, Flamengo dhe kombëtaren e Brazilit, duke u uruar të gjithëve një vit të ri në 2025. /Telegrafi/