Ronaldo: Juventusi të luajë me tre sulmues, dua Real Madridin në finale të Ligës së Kampionëve

Ylli i Juventusit, Cristiano Ronaldo ka thënë se i pëlqen të luajë me të dy, Paulo Dybalan dhe Gonzalo Higuainin dhe do të pëlqente një finale e Ligës së Kampionëve ndaj Real Madridit.  

Portugezi ka shënuar nëntë gola për Zonjën e Vjetër në të gjitha garat këtë sezon dhe u ndihmua asistimi i vonshëm i Dybalas për të gjetur rrjetën kundër Bayer Leverkusen në Ligën e Kampionëve të mërkurën.

Higuain shënoi gjithashtu edhe falë një asistimi nga numri 10 dhe tani Ronaldo pretendon se do të dëshironte të luante me dy argjentinasit në një treshe sulmi.

Lexo po ashtu Juventusi fiton ndaj Bayer Leverkusenit, Ronaldo gjen golin

“Kur luaj me Dybalan dhe Higuainin, kemi mirëkuptim, më pëlqen të luaj me të dy”, ka thënë fillimisht Ronaldo për Sky Sport Italia.

“Ne kemi shumë argëtim në fushë, por trajneri merr vendime dhe ne duhet t’i respektojmë ato”.

“Ndihem mirë, problemet fizike që kisha kanë kaluar tashmë. Kam kaluar katër javë në dhimbje, por tani jam mirë”.

“Ekipi po shkon mirë, kemi luajtur shumë mirë në pjesën e dytë,  gjërat po përmirësohen edhe për mua”.

“Tani, kam më shumë besim dhe shpresoj të vazhdoj kështu”.

Lexo po ashtu Tifozi tenton ta përqafojë dhe të bëjë foto - Ronaldo inatoset keq me të pasi ai e tërheq për qafe

“Reali është një ekip i jashtëzakonshëm, por nëse më pyetni, unë do të preferoja t’i takoja ata në një fazë të mëvonshme”.

“Nëse do të më thoshit se mund t’i takoja në final, do të pranoja tani”, përfundoi portugezi. /Telegrafi/