Ronaldo e do Salahun në ekip, po punon në transferimin e tij te Reali

Cristiano Ronaldo po punon shumë për të ndihmuar Real Madridin që të nënshkruajë me yllin e Liverpoolit, Mohamed Salah, në afatin e verës.

Real Madridi janë të interesuar të përforcojnë skuadrën për sezonin e ri, ku reparti i sulmit mendohet të jetë më i prekuri.

Karim Benzema dhe Gareth Bale priten të largohet nga Santiago Bernabeu pas përfundimit të sezonit aktual dhe drejtuesit janë përveshur punës për të gjetur zëvendësuesit.

Lexo po ashtu Ronaldo - Perezit: Blije Hazardin, jo Kanen  

Për qendrën e sulmit janë përmendur emra si Harry Kane, Roberto Lewadowski dhe Mauro Icardi, ndërsa anësor preferohen Mohamed Salah dhe Eden Hazard.

Sipas mediumit spanjoll Don Balon, Ronaldo i ka dhënë Realit dhe Florentino Perezit bekimin e tij kur është fjala për nënshkrimin e Salah.

Ronaldo ishte kundër nënshkrimit të Harry Kane, por Salahn e sheh si dikush që mund të komplimentojë cilësitë e tij në ekip.

Lexo po ashtu Legjenda angleze, Ince - Salahit: Refuzo Realin dhe Barçën, qëndro te Liverpooli - fito tituj dhe bëhu legjendë   

Megjithatë, transferimi i yllit egjiptian nuk do të jetë i lehtë pasi ka deklaruar disa herë që është i lumtur, Liverpooli vështirë se do ta lëshonte dhe në rast largimi do të duhej një shifër shumë e lartë për ta paguar.

Ylli egjiptian ka shënuar plot 36 gola në të gjitha garat këtë sezon, duke përfshirë 28 në Ligën Premier, aty ku është kryesor i listës së golashënuesve. /Telegrafi/

Lexo po ashtu Reali ofron 150 milionë euro plus Vazquezin për Salah