Kampionati në Serie A është pezulluar, por skuadrat po mendojnë për përforcimet eventuale për edicionin e ri.

Skuadra italiane Roma është duke menduar për tu përforcuar në repartin ofensivë dhe për këtë ka në shënjestër dy yjet e Juventusit.

Giallorosët pritet t’i shesin disa lojtarë në fazën e sulmit si Cengiz Under, Nikolas Kalinic e Diego Perotti.

Gonzalo Higuain dhe Federico Bernardeschi janë dy sulmuesit që po kërkohen me ngulm nga Roma.

Federico Bernardeschi dhe Gonzalo Higuain . (Photo by Thananuwat Srirasant/Getty Images)

Kryeqytetasit janë gati të shpenzojnë rreth 35 milionë euro për transferimin e anësorit italian Bernardeschi në Olimpico.

Ndërkohë sa i përket argjentinasit Higuain, duket pistë më e vështirë, por jo sa i përket parave.

Juventus për ta lënë të lirë argjentinasin kërkon rreth 20 milionë euro pasi kontrata e tij skadon në verën e vitit 2021.

Federico Bernardeschi. (Photo by Pier Marco Tacca/Getty Images)

Higuain kërkohet edhe nga skuadra tjera si Monaco në Francë, por dëshira e tij është të rikthehet në vendlindje dhe kjo përbën një pengës për Romën.

Gjithsesi nëse nuk arrihet Higuain, atëherë Giallorosët do të tentojnë transferimin e talentit kanadez të Gent, Jonathan David. /Telegrafi/