Roma i bashkohet Juventusit në garën për Depayn

Roma i është bashkuar Juventusit në garën për nënshkrimin e lojtarit që Barcelona nuk e ka në plane, Memphis Depay, sipas raportimeve.

Sulmuesi holandez iu bashkua skuadrës katalanase në verën e vitit 2021 në një transferim të lirë pasi kontrata e tij me Lyonin përfundoi.

Ai shënoi 13 herë në 38 ndeshje për Barcelonën sezonin e kaluar, por është jashtë planeve të klubit, dhe e gjen veten pas lojtarëve të tjerë sulmues si Ousmane Dembele, Ferran Torres dhe Ansu Fati .

Depay ishte lidhur shumë me një lëvizje te Juventusi gjatë verës, pasi gjigantët katalanas u përpoqën ta shisnin atë në nxitimin e tyre të çmendur për të regjistruar nënshkrimet e tyre verore përpara sezonit të ri.

Sipas Calciomercatos, Roma e Jose Mourinhos tani i është bashkuar rivalëve të tyre në Serie A në garën për Depayn.

Pas fillimit të dobët të sezonit nga Juventusi, ku edhe u eliminuan nga Liga e Kampionëve dhe të gjenden në vendin e shtatë në ligën italiane, skuadra e Max Allegrit është ende e prirur të shtojë opsione në sulm.

Ndërkohë Roma aktualisht zë vendin e katërt, në luftën për t’u rikthyer në Ligën e Kampionëve, megjithëse përballet me eliminimin nga Liga e Evropës me një ndeshje të vështirë kundër skuadrës bullgare Ludogorets këtë të enjte për të vendosur se kush do të kalojë nga grupi i tyre. /Telegrafi/