Rita Ora po kalon momente të mrekullueshme në Gold Coast të Australisë, duke ndarë pamje nga pushimet e saj në Instagram.
Në fotografitë e publikuara të martën, këngëtarja dhe aktorja 33-vjeçare shfaqej me bikini elegante dhe veshje të lehta verore, duke pasqyruar atmosferën e ngrohtë të verës.
E shoqëruar nga bashkëshorti i saj, regjisori Taika Waititi, Rita ka kaluar kohë të veçantë në Australi, ndërsa Taika punon në projekte të reja, shkruan DailyMail.
Pavarësisht angazhimeve të saj në muzikë dhe aktrim, Rita mbetet një figurë e fuqishme në industrinë e argëtimit.
Së fundmi, u raportua se këngëtarja ka fituar afro 6 milionë euro gjatë vitit të kaluar nga muzika, televizioni dhe investimet në pronë.
Asetet e saj, sipas llogarive financiare të kompanive personale, arrijnë në afro 32 milionë euro.
Rita, e cila vitin e kaluar publikoi albumin e saj të fundit You & I, ka treguar gjithashtu aftësitë e saj si aktore.
Ajo është përfolur për një rol të ri në një film të Marvel-it, duke vijuar suksesin pas roleve në filma si ‘Fifty Shades of Grey’ dhe ‘Detective Pikachu’.
Tashmë e martuar me Taika Waititi, regjisor i disa filmave të mëdhenj të Marvel-it, duket se Rita është gati për kapituj të rinj emocionues si në jetën profesionale, ashtu edhe atë personale. /Telegrafi/
