Mbi 220 qytetarë shqiptarë janë riatdhesuar nga Shtetet e Bashkuara të Amerikës drejt Shqipërisë, falë mbështetjes që i bëri këtij procesi Qeveria Shqiptare.
Lajmin e bën të ditur Ambasadorja e Shqipërisë në SHBA, Floreta Luli-Faber e cila tha se “në grupin e fundit janë nisur nga Shtetet e Bashkuara 125 qytetarë shqiptarë, kryesisht nga Nju Jork, por shumë prej tyre fluturuan edhe nga Los Angeles, Siatwll, Çikago, Boston, Dallas, Minneapolis, Detroit, Las Vegas, Tampa, Miami dhe Uashington DC. Në disa raste direkt drejt Londrës dhe më tej drejt Tiranës”.
“Të organizuar në grupe dhe në ditë të ndryshme, janë plotësuar pothuajse të gjitha kërkesat e qytetarëve të paraqitura pranë Ambasadës së Shqipërisë në Uashington por edhe të njoftuar përmes mediave. Jemi të vetëdijshëm që një numër qytetarësh nuk kanë mundur të udhëtojnë për shkak të mungesës së dokumentacionit, kostove financiare, lidhjeve ajrore të kufizuara drejt Nju Jorkut, studentët të cilët ishin pikërisht këto ditë në sezon provimesh, apo arsye të tjera personale. Urojmë që fluturimet normale të fillojnë sa më shpejt dhe qytetarët të udhëtojnë normalisht me biletat e rezervuara më pare”, shprehet ambasadorja.
Ambasada e Shqipërisë në Uashington DC, vijoi ajo, hartoi dhe kuroi me detaje një plan të detajuar me të gjithë hapat e këtij procesi që, për shkak edhe të situatës të COVID-19, rezultoi aspak i lehtë për t’u realizuar.
“Shërbimet që në kushte normale merren të mirëqena duheshin ofruar hap pas hapi me qëllim sigurinë e qytetarëve dhe mbërritjen e tyre në destinacion. Për arsye të një informacioni të pakët dhe në shumë raste të pasaktë, është nevojitur koordinimi me të gjithë aeroportet në SHBA nga ku janë nisur qytetarët shqiptarë, përfshirë Aeroportin Heathrow në Londër”.
“Pesë autobusë ishin vënë në dispozicion në Londër për të mundësuar lëvizjen e qytetarëve në kushtet e distancimit fizik nga Aeroporti Heathrow ku mbërritën, për tek Aeroporti Luton nga ku nisej avioni Air Albania. Ky udhëtim përfshinte mjaft të moshuar që kishin nevojë për ndihmë, si për përkthim në pikat kufitare apo marrjen e vizës tranzit, si edhe kalimin nga një pjesë e aeroportit në tjetrin, ku mungonte personeli i zakonshëm dhe aeroportet e boshatisura të duket sikur të kujtojnë se bota sot është mbyllur në shtëpi”, thekson ambasadorja, duke shtuar se “Lasgushi i solli 125 qytetarët shqiptare në shtëpi”./atsh/
Lufta Prigozhin - Putin
Më shumëNga Rubrika
Të dëmtuarit thonë se i akuzuari Bajroviq së bashku me paramilitarët e tjerë i kishin maltretuar gjatë luftës
Inspektorati i Prishtinës në aksion, shqipton gjoba e konfiskon targa
40 studiues shqiptarë dhe të huaj kërkojnë nga qeveria shqiptare mbrojtjen e Deltës së Vjosës
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
A do t'i "shpëtojë" Albin Kurti Asociacionit të komunave me shumicë serbe, flasin analistët
Suspendimi i profesorit Krasniqi pas akuzave për ngacmim seksual, dekani i Fakultetit të Edukimit tregon detaje të vendimit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Kurti: Anëtarësimi në KiE, hapi i parë drejt bashkimit me familjen evropiane
“Ka vetu, e ka bo Zoti dritë dhe e kom pa atë njeri”, thotë dëshmitarja për vrasjen e trefishtë në Gllogjan
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre