Retorikë e njëjtë
Para ca kohësh, në emisionin Rubikon patëm rast të shohim dhe të njoftohemi me të rinjtë e politikës, apo thënë ndryshe: me politikanët e ardhshëm. Në fillim të emisionit, secili prej tyre tregoi se si dhe pse i mësyu politikes, këtij labirinti të pafund.
Gjatë debatit u zhgënjeva, sepse gjithçka që dëgjova ishte thjeshtë përpjekje e secilit prej tyre që të përshkruaj hierarkinë, demokracinë dhe rregullimin e brendshëm partiak duke folur në superlativ për lirinë e veprimit që iu është ofruar në ambientet e partisë. Për një çast mendova se kishte qenë mirë që kjo liri veprimi dhe kjo shkallë e demokracisë që paskan partitë të reflektohet në shoqëri, t’u ofrohet liri e demokraci te gjithëve e jo vetëm anëtarëve të partisë.
Me vëmendje ndjeka debatin në të cilin zhvillohej një garë, se kush prej tyre është më i zoti të përdorë hiperbola për liri e demokraci në partitë tona, që jo rrallë krijoja bindje se këto parti nuk janë në Kosovë. Pastaj pati edhe momente konfrontimi dhe akuza mes protagonistëve, përveç zonjushës e cila qëndronte e distancuar. I gjithë debati u soll rreth këtyre gjërave dhe asnjëri nuk paraqiti ide apo strategji se si të zgjidhen problemet shtetërore e në veçanti ato rinore.
E gjitha që thanë sa i përket problemeve, ishte fakti se nuk e mohonin që ekzistojnë ato. Të nderuar bashkëmoshatarë, politikanë të rinj, te gjithë ne që jetojmë në Kosovë e dimë se ka probleme dhe cilat janë ato; i njohim të gjitha partitë, e mbase ka prej nesh që i njohim më mirë se ju që jeni pjesë e tyre. Ajo që nuk kam pritur në debat prej jush është retorika e njëjtë me politikanët aktualë.
Keni qenë studentë e disa ishit akoma. Nuk është e rrugës tu tregohet studentëve se kanë probleme, sepse kjo paraqet ofendim për ta, pasi që në situatën që jemi nuk kërkohet inteligjencë e madhe për të kuptuar se a kemi probleme a jo. Ju do të duhej të na tregonit mënyrën se si do t’i zgjidhni këto çështje, çfarë do të bëni, si do të veproni. Ndërkaq, ajo që ju zgjodhët për të folur ishte njoftimi i publikut me partitë.
Nga zgjedhja juaj mund të konkludojmë se ose nuk keni vizion për çështjet rinore ose “demokracia partiake” u dha lirinë e veprimit që të flisni çfarë të doni, me kusht që të tregonit medoemos se si trajtohen ata që bëhen pjesë e tyre.
Të nderuar politikanë te rinj, shpresoj se do të ndiqni rrugën e arsyes dhe të mirës për të gjithë, të luftoni në frontin e ndërtimit të vlerave njerëzore e demokratike të popullit në përgjithësi. Ose, mund të ndiqni rrugën e antivlerave.
Por, ta keni parasysh: një ditë do të bien kambanat për të gjithë.
Promo
Reklamo këtuLufta Prigozhin - Putin
Më shumëDënohet me 24 vjet burgim prizrenasi, e kishte dhunuar seksualisht një vajzë nën moshën 14-vjeçare
Mediat në Ballkan, politika, ndikimi dhe sulmet ndaj gazetarëve “Reporterët Pa Kufij” japin alarmin e shqetësimin
Trupat ruse hyjnë në bazën ajrore në Nigeri, ku janë të stacionuar ushtarët amerikanë
Dhoma e Tregtisë dhe Industrisë kërkon ndryshime urgjente në kalendarin e festave zyrtare - të mos pushohet në ditët e javës kur festat bien në vikend
A po shkojnë Ukraina dhe Rusia drejt bisedimeve?
Gjermania paralajmëron për pasojat e sulmit të dyshuar kibernetik rus
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe