Hapja e kapitullit të 35 të Bashkimit Evropian për dialogun Prishtinë-Beograd, do të bëjë që Serbia të njohë pavarësinë e Kosovës brenda 2-3 viteve, ndryshe serbët nuk do të arrijnë cakun e tyre për integrim në BE. Kështu ka thënë kandidati i parë shqiptar për president të Maqedonisë Veriore, Blerim Reka, i cili në Kosovë ka dhënë një kontribut të rëndësishëm përgjatë viteve.
Reka thotë se Beogradi zyrtar duhet të debllokojë rrugën e Republikës të Kosovës në anëtarësimin në OKB, ku më pas të dy vendet, të barabarta me njëra-tjetrën, do të mund të lidhnin një marrëveshje historike që do të çonte në njohjen në mes dy shteteve.
Reka thotë se Qeveria e Kosovës do të ishte dashur të dëgjonte këshillën e mikes së saj, Amerikës për të pezulluar taksën 100 përqind ndaj mallrave të Serbisë.
“Kaloj një shekull i armiqësive Beograd-Prishtinë. Konsideroj se Serbia do të duhet të del jashtë atij petku të Millosheviqit të viteve të 90-ta dhe të tejkalojë mentalitetin kolonialist ndaj Kosovës, ta pranojë faktin real dhe të mos ta pengojë anëtarësimin e Kosovës në OKB. Ajo mund ta shtyjë edhe një kohë mosnjohjen e Republikës të Kosovës, por ajo do të detyrohet për 2-3 vite, jo për shkak të Kosovë, por do të detyrohet ta njeh Kosovën për shkak të negociatave ku do të hapet kapitulli 35 i BE-s, që kërkon në mënyrë ultimative nga Beogradi, normalizimin e marrëdhënieve me Kosovën. Pa normalizim të marrëdhënieve me Kosovën, Serbia nuk do të mund të arrijë në cakun që e ka projektu integrimin në BE”, ka thënë ai, për KosovaPress.
Ai ka adresuar kritika për pengesat që Serbia po i bënë Kosovës edhe në mënyra të tjera, teksa ka thënë se problemi shqiptaro-serb nuk zgjidhet me ndryshim të kufijve.
Sipas tij, tregtia me territore nuk do të ishte një alternativë e mirë, pasi që më parë duhet arritur marrëveshja historike ndërmjet dy vendeve, e tek atëherë të diskutohej për një gjë të tillë.
“Nuk besoj se do të mund të zgjidhej aq lehtë çështja e marrëdhënieve serbo-kosovare me ndryshim të kufijve, sepse në të dy anët ne kemi Kushtetuta, që janë akti më i lartë juridik, të cilat e kanë të garantuar paprekshmërinë e kufijve, përkatësisht ruajtjen e sovranitetit dhe integritetit territorial shtetëror. Nuk di se si do të mund të realizohej kjo ide, e cila siç dihet mund të bëhet vetëm me 2/3 e vetave të vendeve përkatëse, dhe nuk e di nëse kjo mund të kalonte në Kuvendin e Republikës të Kosovës”, u shpreh ai.
Për taksën 100 për qind, Reka thotë se fillimisht ishte vendim i një shteti sovran, e një qeverie që ka të drejtë të aplikojë taksa dhe tarifa doganore të reciprocitetit, bazuar në marrëdhëniet ndërkombëtare.
Efekti i arritur me taksën, sipas tij, mund të maksimalizohet me avancime në procesin negociator.
“Kjo (taksa) arriti ndikimin e vet dhe i tregoi jo vetëm Serbisë, por edhe bashkësisë ndërkombëtare se ekziston një shtet, i cili përkundër kooperimit me faktorin ndërkombëtar, do të veprojë si shtet sovran sa herë që shteti fqinj e cenon sovranitetin e tij, por në momentin kur ShBA kërkonte nga Qeveria e Kosovës, jo ta tërheq taksën, por ta pezullon taksën, ajo mendoj se i jepte pak shans në fuqizimin e pozitës negociatore të Republikës të Kosovës në raport me Beogradin, sepse kur t’i thua se e pezullon taksën, t’i fiton përparësi negociuese në tavolinën negociatore dhe atëherë t’i kërkon: ‘nëse doni që unë të mos e rikthej taksën, kërkojë nga Beogradi, këtë, këtë, këtë’. Unë mendoj që do të duhej të shfrytëzohej kjo këshillë miqësore amerikane për ta fuqizuar, jo vetëm në raport me Serbinë, por për t’i dhënë Kosovës një imazh më koperativ ndërkombëtar”, ka thënë ai.
Ndryshe, duke folur për rolin e shqiptarëve, Reka ka thënë se populli shqiptar është faktori më kredibil perëndimor në Ballkan./kp/Telegrafi/
Lufta Prigozhin - Putin
Më shumëNga Rubrika
Familjarët refuzuan të merrnin trupin për ta varrosur, Prokuroria Elbasan: Personi i vrarë në burgun e Peqinit është Arben Lleshi
“Ka vetu, e ka bo Zoti dritë dhe e kom pa atë njeri”, thotë dëshmitarja për vrasjen e trefishtë në Gllogjan
Von Cramon: Nuk ekziston më arsyeja për masat kufizuese të BE-së ndaj Kosovës
A do të jetë Kosova vendi i parë në botë me shumicë myslimane që do të mundësojë martesat e së njëjtës gjini, Martens: Me sa duket po
FSK zgjedh ushtarin më të mirë për vitin 2024
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Tentim-vrasja në Dragash, dhëndri plagos ish-vjehrrin jashtë objektit të gjykatës
Gjenden pa shenja jete dy personaa, njëri në Fushë Kosovë e tjetri në Prishtinë
Plagoset një person në Dragash
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre