Cristiano Ronaldo nuk e realizoi dëshirën e tij për tu larguar nga Manchester United këtë verë, dhe ndërsa kjo mund të ndryshojë në janar, gjërat kanë shkuar mjaft keq për sulmuesin deri më tani këtë sezon.

37-vjeçari u detyrua të luante ndeshjen e tij të parë në Ligën e Evropës që nga viti 2002 (me Sportingun) të enjten, ku ai filloi kundër Real Sociedadit, por dukej larg nga më e mira e tij.

Gjatë 90 minutave Ronaldo realizoi vetëm katër goditje në portë, mezi fitoi 38 për qind të dueleve dhe u kap në pozicion jashtë loje në katër raste.

Reklama

Pa asnjë gol në shtatë ndeshjet e tij të para, vetëm në dy prej të cilave ai ka startuar, Erik ten Hag ka hezituar ta fus atë në 11-shen e parë.

Reklama

Para Sociedadit, ndeshja si startues e vetme e Ronaldos ishte ajo në debakli 4-0 kundër Brentford.

Me të në stol, United shënoi katër fitore radhazi ndaj Liverpool, Southampton, Leicester City dhe Arsenal.

“Unë nuk mund të mbaj të lumtur çdo lojtar në çdo ndeshje, por të gjithë do të kenë një shans për të luajtur nëse punojnë shumë”, kishte thënë Ten Hag .

Një paralajmërim për skuadrën e tij se asnjë vend nuk është i garantuar, as për Ronaldon.

Reklama

Megjithatë, ishte Ten Hag që tha se Ronaldo ishte ende pjesë e planeve të tij në fund të gushtit.

Sezonin e kaluar ylli portugez shënoi 24 gola dhe ishte lojtari më i mirë i United.

Tani, ai duhet të rifitojë atë formë dhe të fitojë besimin e trajnerit nëse dëshiron të jetë një lojtar në formacionin fillestar.

Reklama

Një verë dëshpërimi

Pas largimit nga Torino në minutën e fundit në vitin 2021, pati pothuajse një përsëritje të asaj në 2022.

Me Manchester United që nuk ishte në Ligën e Kampionëve këtë sezon, Jorge Mendes bëri gjithçka që mundi për t’i gjetur Ronaldos një klub të ri.

Reklama

Qoftë Spanja (Atletico Madrid mbi të gjitha), Portugalia (Sporting CP), Gjermania (Borussia Dortmund), ose Italia (AC Milan dhe Napoli), përpjekjet ishin pafund.

Edhe Chelsea dukej si një vend i mundshëm, vetëm që Thomas Tuchel e hodhi poshtë idenë.

‘Jo’ ishte përgjigja që morën kudo, qoftë për mungesë fondesh, nga trajnerët, qoftë edhe për shkak të drejtorëve.

Shembulli më i mirë i kësaj të fundit ishte te Bayern Munich, ku Bordi i Drejtorëve e hodhi poshtë lëvizjen.

Reklama

Si rezultat, ylli portugez do të duhet të përballet me Ligën e Evropës (të paktën për momentin). /Telegrafi/