Saga rreth të ardhmes së Arda Guler gjatë dy javëve të fundit ka qenë mjaft intensive, pasi sensacioni turk përgatitet të vendosë për hapin e tij të ardhshëm.
18-vjeçari do të largohet nga Fenerbahce këtë verë, me një mori klubesh në të gjithë Evropën që kanë regjistruar interesin e tyre për nënshkrimin e tij.
Megjithatë, destinacioni i tij i radhës është dukur si Spanja, me Barcelonën dhe Real Madridin që janë kryesues në garë.
Ishte skuadra e Xavi Hernandez që ishte në pozitë të mirë për të nënshkruar me talentin, pas bisedimeve me Decon javën e kaluar, por Yeni Acik tani ka raportuar se adoleshenti ka vendosur të bashkohet me Los Blancos këtë verë.
Real Madridi do t'i paguajë 20 milionë euro Fenerbahçes, i cili do të mbajë 20 për qind të shitjes si pjesë e marrëveshjes. Guler ka të ngjarë të bashkohet me skuadrën e Carlo Ancelottit tani, ndryshe nga Barcelona, e cila do ta kishte parë atë të bashkohej në vitin 2024 nëse do të kishte pranuar t'i bashkohej atyre.
Është një fitore e madhe për Real Madridin, i cili ka mundur edhe një herë Barcelonën për nënshkrimin e një lojtari të ri emocionues. Guler ka aftësinë të vazhdojë dhe të bëhet një nga më të mirët në botë, dhe ai mund ta bëjë këtë në Santiago Bernabeu. /Telegrafi/
