Real Madridi ka shfaqur interes për mbrojtësin e Tottenham Hotspur, Micky van de Ven, por përballja me një çmim të lartë transferimi po shfaqet si pengesë kryesore në këtë pistë.
Sipas burimeve të afërta me klubet, Tottenhami kërkon rreth 80 milionë euro për shërbimet e qendërmbrojtësit holandez, një shifër që mund të ndërlikojë seriozisht mundësinë e transferimit të tij.
Pavarësisht interesit të fortë nga ana e Los Blancos, të cilët janë në kërkim të përforcimeve në repartin mbrojtës, vlerësimi i lartë i 24-vjeçarit mund t’i detyrojë drejtuesit madrilen të shikojnë alternativa të tjera në treg.
Van de Ven ka qenë një nga lojtarët kyç të Tottenhamit që prej transferimit të tij nga Wolfsburgu në vitin 2023.
Në sezonin 2024-25, ai zhvilloi 22 paraqitje në të gjitha garat, ndonëse sezoni i tij u ndikua nga dëmtime të përsëritura në kofshë.
Forma dhe potenciali i tij i lartë kanë tërhequr vëmendjen e klubeve elitare evropiane dhe Real Madridi është ndër ta.
Megjithatë, realizimi i këtij transferimi mbetet i vështirë nëse nuk arrihet një marrëveshje për çmimin. /Telegrafi/
