Real Madrid mund të mbetet pa njërin ndër lojtarët kryesor për sfidën ndaj Barcelonës

Real Madrid ka shfaqur një formë të shkëlqyer deri më tani këtë sezon dhe kjo përkundër problemeve që kanë pasur në fazën e mbrojtjes. Lëndimi i Eder Militaos e la Carlo Ancelottin me vetëm tre qendërmbrojtës, por situata është menaxhuar mjaft mirë deri më tani.

Megjithatë, me Nacho Fernandez të pezulluar dhe David Alaba të dëmtuar, Aurelien Tchouameni u improvizua si qendërmbrojtës kundër Osasunas të shtunën. Reprezentuesi austriak pritet të rikthehet pas pushimit me kombëtare dhe me El Clasicon në fund të muajit, ky është një lajm i shkëlqyer për kampin madrilen.

Sidoqoftë, edhe me rikthimin e Alabas, problemet në vijën e mbrojtjes tek Real Madridi nuk duket se kanë mbaruar.

Antonio Rudiger është me katër kartonë të verdhë deri më tani këtë sezon dhe siç raportohet nga mediat spanjolle, ai do të humbiste El Clasicon nëse ndëshkohet kundër Sevillas pas dy javësh.

Me Nachon tashmë të pezulluar, kjo do ta linte Alaban si qendërmbrojtësin e vetëm për udhëtimin në “Montjuic”, kështu që nuk do të ishte befasi nëse Ancelotti do të zgjidhte të pushonte Rudiger kundër Sevillas në mënyrë që të mos rrezikohet pjesëmarrja e tij ndaj Barcelonës.

Lexo po ashtu Real Madrid në kërkim të një mbrojtësi të ri – Krijohet lista prej katër kandidatëve potencial

Mbetet për t’u parë se si do ta trajtojë Ancelotti situatën, por gjëja e fundit që do të dëshirojë Real Madridi është të detyrohet të improvizojë me ndonjë mesfushor në atë pozitë, përkundër mungesës tashmë të konfirmuar të Robert Lewandowskit./Telegrafi/