Reagon kabineti i Zaevit: Dimitrovi të tregojë pse është kundër qëndrimeve tona ndaj Bullgarisë
Kabineti i kryeministrit Zoran Zaev, ka reaguar ndaj deklaratave të fundit të zv.kryeministrit Nikolla Dimitrov, i cili sot në konferencë për shtyp tha se nuk është larguar me vetdëshirë nga qeveria e ardhshme, por si rezultat i qëndrimeve të tij në raport me kontestin me Bullgarinë.
Nga kabineti i Zoran Zaevit, thonë se qëndrimet shtetërore në lidhje me Bullgarinë, janë ndërtuar bashkërisht, ndërsa kërkojnë nga Dimitrovi që të tregojë arsyet e vërteta të deklaratave të tij, përcjell Telegrafi Maqedoni.
“Maqedonia e Veriut ka qëndrime të qarta në bisedimet me Bullgarinë, të ndërtuara me unitet të plotë qeveritar dhe të dërguara si përgjigje nga MPJ-ja jonë në MPJ-në bullgare. Identiteti maqedonas dhe gjuha maqedonase nuk janë fare temë bisede mes nesh dhe Bullgarisë. Qëndrimet maqedonase të dhëna si përgjigje në lidhje me temat që janë objekt i bisedimeve me Bullgarinë, për të cilat opinioni është i njohur mirë, janë ndërtuar përmes një procesi të gjithanshëm konsultimesh dhe takimesh pune, në të cilat Nikola Dimitrov ka pasur një rol aktiv dhe thelbësor dhe ka kontribuar me pikëpamjet e tij, dhe qëndrimet tona të tilla janë plotësisht në përputhje me propozimin portugez që ishte propozim i kryesisë sllovene, por edhe në përputhje të plotë me Rezolutën e miratuar nga Kuvendi i Maqedonisë së Veriut”.
“Nikolla Dimitrov u pajtua me qëndrimet e Maqedonisë në këto negociata, në fakt ai pati një rol serioz në krijimin e qëndrimeve tona, përmes procesit të udhëhequr nga ministri i Jashtëm, Bujar Osmani. Nëse Dimitrov është kundër ndonjë prej qëndrimeve që kemi ndërtuar së bashku, është e ndershme për shkak të popullit të thotë dhe të shpjegojë pse, sepse përndryshe mbetet përshtypja se mospjesëmarrja e tij në qeverinë e ardhshme është arsyeja e manifestimeve kaq të pasaktë dhe spekulative, me qëllim që të vendosë barrë mosbesimi ndaj qeverisë”, thuhet në reagimin e kabinetit të Zoran Zaevit.
Ndryshe, zv.kryeministri Nikolla Dimitrov sot në konferencë për shtyp ka folur në lidhje me arsyet për të cilat nuk do të jetë pjesë e qeverisë së re, duke shtuar nuk është larguar me vetdëshirë por si rezultat i qëndrimeve të tij në lidhje me kontestin me Bullgarinë.
Dimitrov gjithashtu tha se nuk ka besim të plotë në ministrin për Punë të Jashtme, Bujar Osmani, duke shtuar se ky i fundit dëshiron me çdo kusht të ketë zgjidhje të kontestit, gjë që sipas Dimitrovit, është e rrezikshme./Telegrafi/
Promo
Reklamo këtuLufta Prigozhin - Putin
Më shumëQeveria vendosi: 24 prilli dhe 8 maji ditë jo pune për të gjithë qytetarët
Arrestohet një i dyshuar lidhur me rastin e ukrainases që u gjet e vdekur në autostradën Ferizaj-Prishtinë
Komandanti suprem i NATO-s, Cavoli: Po i shtojmë forcat në Kosovë dhe Bosnje, po sjellim artileri të rëndë
”Të lutem avokate le të del nga burgu, po du me u pajtu”, avokatja tregon se shumë gra tërhiqen nga denoncimi i dhunës
Përfaqësuesi i Shqipërisë në KiE: Kosova ka plan të jashtëzakonshëm për të siguruar anëtarësimin në Këshillin e Evropës
Pronari i “Zhitia Turist” tregon se çfarë u është thënë udhëtarëve të ndaluar nga Serbia në kufi
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Notat e lojtarëve, Man City 1-1 Real Madrid: Lunin heroi i mbretërve
Komandanti suprem i NATO-s, Cavoli: Po i shtojmë forcat në Kosovë dhe Bosnje, po sjellim artileri të rëndë
Arrestohet një i dyshuar lidhur me rastin e ukrainases që u gjet e vdekur në autostradën Ferizaj-Prishtinë
Sir Alex Ferguson i ofroi lojtarit të Man United 100 mijë euro për t'u tërhequr nga futbolli
Hisen Berisha 'ngacmon' Adelina Ismailin në emision: "Ushtrinë time do ta bëj" ma ke kushtuar mua, sepse po e bëja ushtrinë në atë kohë
Mbretër për Ligën e Kampionëve, Real Madridi fiton ruletin e penalltive dhe eliminon kampionin