Më 4 shtator (e premte) Kosova dhe Serbia nënshkruan në Shtëpinë e Bardhë, marrëveshje për normalizim ekonomik, ku njëra ndër pikat e saj ishte edhe ndërtimi i autostradës mes Kosovës dhe Serbisë, si dhe ajo për hekurudhat dhe për linjën ajrore.

Në lidhje me këtë ka reaguar ish ministrja e Drejtësisë, Albulena Haxhiu, e cila përmes një postimi në rrjetin social në Facebook tha se kur Grupi Parlamentar i Aleancës për Ardhmërinë e Kosovës, në bashkëpunim me grupet parlamentare të Partisë Demokratike të Kosovës dhe Nismës Socialdemokrate, i patën dorëzuar  Kryesisë së Kuvendit të Republikës së Kosovës, Mocionin për Interpelancë ndaj ish-ministrit të Integrimit Evropian, Blerim Reka për shkarkimin e tij ndaj deklaratës së dhënë që në këmbim të njohjes nga Serbia mund të shihet dalja në detin Adriatik si mundësi, delegacioni i Kosovës përveç që nuk i kërkuan njohjen Serbisë, ata hoqën dorë nga Kosova.

Kjo është marrëveshja Kosovë-Serbi, e nënshkruar sot në Shtëpinë e Bardhë Kjo është marrëveshja Kosovë-Serbi, e nënshkruar sot në Shtëpinë e Bardhë

Ajo tutje pyeti se më këtë marrëveshje të arritur a do të kërkohet shkarkimi i kryeministrit Avdullah Hoti, ministrit të Drejtësisë Selim Selimi, e të tjerëve.

Partitë opozitare dorëzojnë kërkesën për interpelancë për shkarkimin e ministrit Reka Partitë opozitare dorëzojnë kërkesën për interpelancë për shkarkimin e ministrit Reka

“Interpelanca që ishte kërkuar për shkarkimin e ish Ministrit Reka nga AAK, Nisma e PDK për deklaratën e dhënë që në këmbim të njohjes nga Serbia mund të shihet dalja në detin Adriatik si mundësi. Delegacioni i paligjshëm që nuk përfaqësojnë interesat e qytetarëve përveç që nuk i kërkoi njohjen Serbisë, hoqën dorë nga Kosova. Ku janë tash këta që kërkonin shkarkimin e Ministrit Reka? Ku janë fshehur? A do kërkojnë shkarkim të Hotit, Haradinajt, Selimit e të tjerëve? “, ka shkruar Haxhiu, në Facebook. /Telegrafi/