LAJMI I FUNDIT:

Ratifikohet marrëveshja në vlerë 20.2 milionë euro me GIZ-in gjerman për mbështetjen e bujqësisë dhe zhvillimit rural

Ratifikohet marrëveshja në vlerë 20.2 milionë euro me GIZ-in gjerman për mbështetjen e bujqësisë dhe zhvillimit rural

Ministri i Bujqësisë, Pylltarisë dhe Zhvillimit Rural, Faton Peci, në seancën parlamentare të mbajtur gjatë ditës së sotme ka prezantuar Projektligjin për ratifikimin e Marrëveshjes ndërmjet Republikës së Kosovës dhe Deutsche Gesellschaft für Zusammenarbeit (GIZ) GmbH, për projektin “Mbështetja për Zhvillimin e Qëndrueshëm të Sektorit të Bujqësisë në Zonat Rurale përmes Diversifikimit të Aktiviteteve”.

Përmes kësaj Marrëveshje Ndërkombëtare, e cila u ratifikua nga deputetët e Kuvendit të Kosovës, do të mbështeten fermerët dhe agrobizneset kosovare për grante në agroturizëm, ekoturizëm dhe zhvillim rural në vlerë prej 20.2 milionë euro, prej të cilave 10.2 milionë euro janë financim i Qeverisë Gjermane.


Ministri i BPZhR-së, Faton Peci me këtë rast tha se i gjithë ky besim vjen si rezultat i angazhimit dhe prioritizimit të qartë të objektivave, andaj për vitin 2024 siguruam 10.2 milionë nga Qeveria Gjermane dhe 9.2 milionë grant nga Komisioni Evropian për investime e ngritje të kapaciteteve në sistemin e ujitjes për vitet e ardhshme.
“Ky grant do të ndikojë në zhvillimin e zonave rurale, përmes krijimit të mundësive të reja të punës ose vetëpunësimit dhe ruajtjen e vendeve të punës ekzistuese nëpërmjet zhvillimit të aktiviteteve të agrobiznesit, duke kontribuar kështu në qëndrueshmërinë e fermës dhe ngritjen e nivelit të aktivitetit ekonomik në po ato zona rurale”, shtoi Peci.

Propozimi në fjalë është iniciuar duke pasur parasysh përvojën e ndërtuar gjatë bashkëpunimit të MBPZHR dhe GIZ në kuadër të fondeve të zbatuara nga Qeveria Gjermane, e cila ka për qëllim diversifikimin e fermave dhe aktivitetet alternative në zonat rurale në Kosovë. /Telegrafi/

Në trend Ekonomi

Më shumë
Zbulohet për herë të parë sa Bitcoin i ka qeveria e SHBA-së, Britanisë së Madhe dhe Gjermanisë

Zbulohet për herë të parë sa Bitcoin i ka qeveria e SHBA-së, Britanisë së Madhe dhe Gjermanisë

Botë
Pse duhet ta kemi një plan të komunikimit në rast se ballafaqohemi me kriza?

Pse duhet ta kemi një plan të komunikimit në rast se ballafaqohemi me kriza?

Sherife Kçiku Vishaj
Regjistrimet e hershme për vitin e ardhshëm shkollor kanë filluar në Horizon School

Regjistrimet e hershme për vitin e ardhshëm shkollor kanë filluar në Horizon School

Horizon School
Për me t’shku vera mbarë, investo në apartament në “Holiday In 2”

Për me t’shku vera mbarë, investo në apartament në “Holiday In 2”

Edil Project
Telegrafi Jobs - Aleati juaj i besuar në kërkimin e punës

Telegrafi Jobs - Aleati juaj i besuar në kërkimin e punës

Ekonomi
Kreu i Bordit të ZRRE-së: Elektroseveri po i zbaton ligjet e Kosovës

Kreu i Bordit të ZRRE-së: Elektroseveri po i zbaton ligjet e Kosovës

Ekonomi
Kalo në kategori