Helmimi i opozitarit rus Navalni ka shkaktuar përçarje serioze mes Rusisë dhe Gjermanisë. Në Berlin po kërkohet vendosja e sanksioneve kundër Rusisë, por ka dhe zëra që janë kundër.
Ministri i Ekonomisë, Peter Altmaier dyshon se sanksionet kundër Rusisë mund të japin rezultatet e duhura në sqarimin e rastit të helmimit të opozitarit rus Aleksej Navalni. Ai tha për televizionin ARD se nuk e di “asnjë rast” që vendet si Rusia të kenë ndryshuar vendimet e veta për shkak të sanksioneve ekonomike. Sanksionet kanë rezultuar madje me “ngurtësimin e qëndrimeve” tek politikanët e vendeve të prekura. “Ne duhet të shpjegojmë çështjen, se çfarë duam të arrijmë me sanksione. A bëhet fjalë vetëm për nevojën që të shikojmë veten në pasqyrë, apo qëllimi është përmirësimi i gjendjes së të drejtave të njeriut?”
Ministri Altmaier sikur edhe kancelarja Merkel megjithatë nuk përjashtojnë mundësinë e sanksioneve kundër Rusisë, sepse kjo do të dobësonte pozitën e tyre. Altmaier mendon se vendimet ndaj Rusisë duhet të merren brenda Bashkimit Evropian. “Rasti Navalni është një sfidë e përbashkët për demokracitë perëndimore”, tha ai.
“Sinjale të qarta”
Në Gjermani po shqyrtohet mundësia që në shenjë kundërshtimi ndaj helmimit të Navalnit të ndërpriten punimet në gazpërçuesin Nord Stream 2. Planifikohet që Gjermania të furnizohet me gaz rus përmes gypave në gjatësi prej 2460 kilometrash. Rreth 2300 kilometra kanë përfunduar deri tani.
“Punimet në Nord Stream 2 duhet të ndërpriten të paktën përkohësisht, nëse Rusia nuk tregon asnjë shenjë bashkëpunimi”, deklaroi së fundit shefi i deputetëve të pative popullore evropiane në Parlamentin Evropian, Manfred Weber. “Këtu bëhet fjalë për një sistem, i cili duket se është i gatshëm që të vrasë njerëz ose t’i helmojë ata, si në rastin Navalni, vetëm për t’ua mbyllur gojën. Evropa nuk mund t’i shikojë këto gjëra duarkryq.” Nevojiten sinjale të qarta. “Presidenti Putin e njeh për fat të keq vetëm gjuhën e pushtetit dhe parave”, mendon Weber.
“Alternativat e këqija”
Kryeministrja e landit Mecklenburg-Vorpommern, ku duhet të përfundojë gazpërçuesi, ka kundërshtuar ndërprerjen e punimeve. Manuela Schwesig tha se Rusia është ajo që duhet të bëjë hapin tjetër për sqarimin e rastit Navalni. Por për revistën “Der Spiegel” theksoi se “ky krim nuk guxon të përdoret për kontestimin e projektit Nord Stream 2.” Ata të cilët angazhohen për ndërprerjen e punimeve duket se kanë qenë gjithmonë kundër këtij projekti. E nëse Gjermania heq dorë nga gazi rus, si alternativë mbetet vetëm gazi i nxjerrë me gërmim nga SHBA. “Kjo është një alternativë më e keqe në aspektin ekologjik dhe do të kushtonte më shumë”, thotë Schwesig.
Navalni është transportuar me 22 gusht në spitalin Charité në Berlin, pasi dy ditë më parë është ndjerë keq me shëndet gjatë një fluturimi në Rusi. Në një laborator special të ushtrisë gjermane është konstatuar se kritiku i Kremlinit është helmuar me gazin nervor Noviçok.
Rusia ka hedhur poshtë akuzat për helmimin e Navalnit. Zëdhënësi i Kremlinit Dmitri Peskov tha se këto janë “përpjekje absurde” për të kompromentuar udhëheqjen ruse. Navalni ka zbuluar në Rusi të dhënat për skandale të ndryshme korruptive dhe prej vitesh është një prej kundërshtarëve më të njohur të presidentit Putin. /DW/
Lufta Prigozhin - Putin
Më shumëNga Rubrika
E quan “një njeri i madh” – Trump i gatshëm të rinovojë aleancën konservatore me Orban të Hungarisë
Një zyrtar i Hamasit thotë se grupi do t’i dorëzonte armët – por gjithmonë, me një kusht
Rusia nuk ka ‘interes’ të sulmojë shtetet e NATO-s, thotë kreu i ushtrisë së Putinit
Një zyrtar i Hamasit thotë se grupi do t'i dorëzonte armët – por gjithmonë, me një kusht
Zbulohen detaje dhe pamje të vjedhjes nga grupi kriminal serb “Pink Panther” në një argjendari në Greqi – bie në sy një detaj
Rusia nuk ka 'interes' të sulmojë shtetet e NATO-s, thotë kreu i ushtrisë së Putinit
E quan “një njeri i madh” - Trump i gatshëm të rinovojë aleancën konservatore me Orban të Hungarisë
Pak para se të lansonte raketat mbi pozicionet e ukrainasve, sistemi raketor rus Buk-M1 shkatërrohet – goditet direkt
Dubai raporton një "sëmundje misterioze" të lidhur me përmbytjet e rënda që goditën rajonin
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre