Asociacioni i komunave serbe në veri të Kosovës është një nyjë që duhet këputur një orë e më parë. Kështu u shpreh nga foltorja e Parlamentit, kryeministri Edi Rama, në seancën ku do të miratohet rezoluta për Kosovën.
Në fjalën e tij, kreu i qeverisë përsëriti qëndrimin për zbatimin e planit franko-gjerman, teksa shpjegoi kërkesën ndaj KFOR, për të marrë nën kontroll veriun dhe akuzat në drejtim të tij.
“Një turravrap lukunie e etur për sherr, hipokrizi pseudopatrioke. Furia mori kot kur përsërita qëndrimin e njohur. E kam thënë në samitin e NATO-s mbi domosdoshmërinë e marrjes së kontrollit të veriut të Kosovës nga KFORI, fokusimi te suksesi i planit franko-gjerman dhe dhënies drejtim të asociacionit me shumicë serbe se është një nyje që nuk duhet mbajtur si litar në këmbë, që e pengon Kosovën në rrugën e saj dhe largon objektivin për t’u bërë pjesë e OKB-së, NATO-s, BE-së”, tha Rama.
“Ajo nyje duhet këputur një orë e më parë nuk duhet shkencë, por vetëm logjikë, për të kuptuar se ai asociacion duke mos u bërë është kthyer në litar, i cili për mendtë e kokës do të vazhdojë të shtrëngojë këmbët e Republikës së Kosovës. Të mos e kuptosh këtë do të thotë të mos duash t’ia dish si duhet hedhur hapi tjetër. Kosova po rrezikon ta humbasë shansin historik që i jep plani franko-gjerman, për të bërë një progres në luftën me Serbinë prej mosbërjes së atij asociacioni besimin e atyre që e njohën si shtet të pavarur. Duke u bërë fakt i kryer ai asociacion që mistifikohet si të ishte kali i rilindur i Trojës, do të kthehet në litar në këmbët e Beogradit. Nëse bëhet si duhet, Serbia nuk do të lëvizë dot aq lirshëm sa ka lëvizur këto kohë në Bruksel e SHBA”, shtoi Rama.
Rama theksoi më tej se u shfrytëzua vrasja e policit në Banjskë në të dy anët e kufirit për të rritur mbështetjen elektorale dhe ushqimin e ndjenjave armiqësore ndaj tij.
“Interesi ynë strategjik për një paqe përfundimtare dhe progresi ekonomik e social është në përputhje të plotë me interesin tonë kombëtar. Shqipëria nuk ka luksin të mendojë dhe të luajë me dy porta. Ku është halli andej dhe këtej kufirit? Ku është problemi me reagimin e Shqipërisë me ngjarjen e Banjskë për qametin e madh të mendjeve që tash e 10 vjet çfarë nuk lëshojnë nga goja. Halli është që të mos lihet rast i shpikur për të masakruar mua dhe PS, me teori konspiracioni, deformime faktesh e akuzash lumë. Nga Prishtina në Tiranë nga profile politike e mediatike, u nxit menjëherë pas ngjarjes së Banjskës furia kinse patriotike e radhës ndaj meje si vëllau i Vuçiçit. Ishte e dhimbshme të shikoje në të dyja anët e kufirit daljen në pah të synimit të ulët të shfrytëzimit të jetës së humbur të policit duke rritur mbështetjen elektorale duke lëshuar gjuhën e mexhelesit publik e digjital që të rentabilizohej sa më shumë politikisht revolta e shqiptarëve për vrasjen e policit me ushqimin e ndjenjave armiqësore ndaj personit tim gati si të isha bashkorganizator në këtë vrasje”, tha kryeministri. /Telegrafi/
Lufta Prigozhin - Putin
Më shumëNga Rubrika
Balje: Deklarata e Kurtit për Kodin Civil është provokuese, nuk votoj pro martesave të gjinisë së njëjtë
Kush ishin dy gratë që dhanë idenë për pajtimin e gjaqeve, tregon bashkëpunëtori i Anton Çettës
Në Tupallë të Medvegjës mbahet manifestimi “Takimet e Vendlindjes”
Prokuroria jep detaje për plagosjen e katër personave në Lupç të Podujevës
Njëri nga katër të plagosurit në Lupç të Podujevës është në rrezik për jetë
Të shtëna me armë në Lupç të Podujevës, katër të plagosur
Vdes në vendin e punës punëtorja e një furre të bukës në Mitrovicën e Veriut
Ndalohen për 48 orë pesë të dyshuar për rastin e plagosjes në Lupç
Mjeti lundrues pësoi defekt në det, policia shpëton 11 turistë në Vlorë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Harry Kane i përgjigjet incidentit të penalltisë me Jude Bellingham me një përgjigje të qartë
Ancelotti tregohet i sinqertë për lojën që bëri Bayerni përballë Realit
Tchouameni ndërpreu Mullerin në intervistë, krijohet situatë qesharake mes dyshes
Tifozja shqiptare e mbështjellur me flamurin kombëtar në tribunat e Allianz Arenas për ndeshjen Bayern-Real
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës