Lideri i Al-Qaedas, Ayman al-Zawahiri, është personi i fundit që humbi jetën nga një sulm me raketat Hellfire Ninja R9X, që kur lansohen hapen dhe nxjerrin disa tehe në formë thike dhe godasin cakun pa shkaktuar shpërthim.

Reklama

Al-Zawahiri është vrarë nga ushtria amerikane gjatë një sulmi me dron në Shirpur në afërsi të kryeqyteti afgan – Kabul, ka bërë të ditur presidenti amerikan Joe Biden, transmeton Telegrafi.

Cilësohej si terroristi më i kërkuar në botë. E zyrtarët e lartë të administratës së Bidenit thanë para gazetarëve se nga droni ishin shkrepur dy raketa Hellfire R9X në drejtim të liderit të grupit terrorist.

Kush ishte lideri i vrarë i Al Qaedas dhe “arkitekti” i sulmeve terroriste të 11 shtatorit? Kush ishte lideri i vrarë i Al Qaedas dhe “arkitekti” i sulmeve terroriste të 11 shtatorit?
Reklama

R9X bartë në vete 45 kilogramë tehe të metalta që janë dizajnuar të mos shkaktojnë shpërthim, por thjesht të shpojnë mjetin qoftë veturë apo diçka tjetër dhe të godasin objektivin drejtpërdrejt.

Reklama

Ish-miku i Osama Bin Ladenit, po qëndronte në shtëpi me anëtarët e familjes, e presidenti amerikan theksoi se gjatë sulmit nuk ka pasur të lënduar apo të vrarë civilë.

Raketa Hellfire R9X është bërë arma e preferuar e ushtrisë amerikane kur bëhet fjalë për precizitet dhe vrasjen e terroristëve të kërkuar – duke shkaktuar dëme minimale anësore.

Kjo raketë u dizajnua në kohën e presidentit amerikan Barack Obama në vitin 2011, nga frika e madhe se numri i civilëve të vrarë mund të jetë i madh gjatë sulmeve me dron në Lindjen e Mesme, kështu “ninja” ishte raketa adekuate për këtë lloj sulmi – pra që nuk shkakton shpërthim. /Telegrafi/

Reklama