Raiola nuk pret largim të shpejt të Haalandit nga Dortmundi

Agjenti i njohur i futbollit, Mino Raiola nuk beson se klienti i tij Erling Braud Haaland do të largohet nga Borussia Dortmund këtë verë.

Pavarësisht se u bashkua me Dortmundin vetëm në janar nga RB Salzburg për 30 milionë euro, Haaland ka vazhduar shkëlqimin dhe golat e shumtë.

Forma e tij dhe instikti ‘vrasës’ për gol ka bërë që sulmuesi norvegjez të lidhet me klube të mëdha si Real Madridi, Juventusi dhe Manchester Unitedi.

Lexo po ashtu Mbappe-Haaland, ëndrra e madhe e Real Madridit për sulmin

Por, një largim i 19-vjecarit nga Signal Uduna Park nuk pritet të ndodh shpejt.

Agjenti i tij, Raiola ka thënë se nuk beson se një largim i sulmuesit do të ndodh në verë.

“Nuk mendoj se Haaland do të largohet nga Dortmundi dhe Real Madridi ende nuk më kanë thirrur për të ditur interesimin e tyre”.

Lexo po ashtu Juventusi vazhdon ta ndjek Haalandin, shpreson te raporti i tyre me agjentin Mino Raiola

“Por, Erling është befasues për të gjithë, përfshirë edhe veten e tij, dhe ne nuk mund të themi se çfarë do të ndodhë”, ka thënë Raiola.

Haaland u tha se ka klauzolë largimi nga Dortmundi për 80 milionë euro, ndërsa klubet e interesuara mund t’iu duhet të paguajnë mbi 100 milionë euro për largimin e tij. /Telegrafi/