LAJMI I FUNDIT:

Qofte të pjekura në oriz

Qofte të pjekura në oriz

Edhe një mënyrë ndër qindra të tjera të përgatitjes së qofteve…

Përbërësit:

– 600 g mish të bluar;
– 3 qepë;
– 1 gotë ajkë të thartë;
– kripë;
– piper;
– 1 simite bajat;
– 0,5 dl qumësht;
– majdanoz;
– 2 thelpinj hudhre;
– vaj;
– 200 g oriz;
– rigon.

Përgatitja:

Simiten njomeni në qumësht.

Mishit shtoni 1 qepë të grirë imët dhe thelpinjtë e hudhrës, të fërguar në vaj, kripë, piper, majdanozin e kulluar dhe simiten e thërrmuar.

Të gjitha përzieni dhe formoni qoftet.

Në vaj fërgoni 2qepë. Në enën për pjekje qitni qepët e fërguara dhe 200 g oriz.

Masën fërgojeni, pastaj sipër saj radhisni qoftet, qitni sipër 2 dcl ujë dhe piqni në furrë 35 minuta në 200 gradë celsius.

Nxirreni nga furra dhe tundni 2 vezë dhe ajkën, qitni sipër qofteve, qitni rigonin dhe kthejeni në furrë edhe 15 minuta që të piqet.

Shërbejeni të ngrohtë me sallatë sezoni…

Ju bëftë mirë! – transmeton Telegrafi.