LAJMI I FUNDIT:

Qindra banorë të New Yorkut dalin për të parë një prototip “Cybertruck” të Musk

Qindra banorë të New Yorkut dalin për të parë një prototip “Cybertruck” të Musk

Qindra New-Yorkers u rreshtuan jashtë sallës së ekspozitës së Tesla në Manhattan për të parë shkurtimisht një prototip të Cybertruck përpara paraqitjes së Elon Musk në Saturday Night Live.

Por Cybertruck më pas doli në rrugët e NYC për habinë e shumë kalimtarëve, shkruajnë mediat e huaja, përcjell Telegrafi.

Ndryshe, siç bëhet e ditur më tej, prototipi është vërejtur vetëm në disa raste të rralla që kur bëri debutimin e tij në nëntor të vitit 2019, së fundmi në vendin e konstruktimit të Tesla në Giga Texas, menjëherë jashtë Austin, Texas.

Bëhet e ditur se Cybertruck u soll në New York City me kohë për paraqitjen e Musk për SNL.

Musk njoftoi të premten se automjeti do të ekspozohej në një sallë ekspozite të Qarkut Meatpacking para se të dilte në rrugë dhe të kapej duke u vozitur në Times Square. /Telegrafi/