Me t’u kthyer nga vizita në SHBA, kryeministri Isa Mustafa pritet të intensifikojë angazhimet e tij për takime të përbashkëta me spektrin politik për çështjen e demarkacionit.
Këshilltari i tij, Faton Abdullahu, thotë se oferta për të biseduar është serioze dhe ka për qëllim ballafaqimin e fakteve.
Profesori i të drejtës ndërkombëtare, Vigan Qorrolli thekson se edhe Qeveria edhe opozita duhet të dalin nga pozicionet e ngurta, nëse duan të arrijnë konsensus.
Kryeministri Isa Mustafa ndodhet në Nju Jork për të marrë pjesë në punimet e Asamblesë së Përgjithshme të OKB-së, ndërsa pritet të kthehet në Kosovë javën e ardhshme. Me t’u kthyer, ai pritet të thërras spektrin politik për të biseduar për çështjen e demarkacionit. Megjithatë, edhe Qeveria edhe opozita vazhdojnë t’i mbajnë qëndrimet e ngurta.
Opozita kërkon që procesi të kthehet në pikën zero, ndërsa Qeveria e konsideron marrëveshjen për demarkacionin si të drejtë.
Këshilltari i kryeministrit Mustafa, Faton Abdullahu thotë qëllimi i ftesës së kryeministrit është që të gjendet gjuha e përbashkët për ratifikimin e marrëveshjes për demarkacionin me Malin e Zi. Ai thotë se oferta e kryeministrit për të biseduar është e sinqertë, është kërkesë për ballafaqim faktesh.
“Nuk duhet vështruar, analizuar, këtë ftesë në bazë të asaj se kush do të lëvizë nga pozicioni, kush do ta kthej çështjen në pikën zero e të tjera të kësaj natyre. Jo. Çështje kryesore është sjellja e fakteve. Argumentet janë ato që e rrëzojnë çfarëdo kokëfortësie në çfarëdo ane që mund të ekzistojë”, tha Abdullahu për Radio Kosovën.
Profesori i të drejtës ndërkombëtare, Vigan Qorrolli thotë se demarkacioni kërkon konsensus gjithëpërfshirës, por mazhoranca dhe opozita duhet të dalin nga pozicionet e tyre të ngurta.
“Duke qenë se po kërkojnë tani me vonesë të skajshme dialog gjithëpërfshirës atëherë duhet që të dyja palët mos të jenë në pikën zero, por të dalin mbi zero, domethënë në pikën një dhe të kërkojnë gjithëpërfshirje, jo vetëm të palëve politike, por edhe të ekspertëve të cilët kanë kërkuar që të rinegociohen parimet e kufirit”, tha Qorrolli për Radio Kosovën.
Përfaqësuesit e koalicionit qeverisës dhe opozitës, deri më tani kanë mbajtur disa takime, të organizuara nga Naim Rashiti nga Grupi Ballkanik për Politika.
Rashiti thotë se do të ketë edhe takime të tjera së shpejti. Shefi i Grupit Parlamentar të PDK-së, Zenun Pajaziti u gëzohet takimeve të tilla.
“Unë shpresoj shumë që pas takimit të javës së kaluara, do të ketë takime të radhës dhe do të ketë punë normale”, tha Pajaziti për Radio Kosovën.
Takimi i fundit i organizuar nga Rashiti ishte javën e kaluar, ku ishin të pranishëm përfaqësues të PDK-së, LDK-së, Vetëvendosjes, AAK-së dhe Nismës për Kosovën. Pjesëmarrja e Vetëvendosjes në këtë takim, u konsiderua si një hap pozitiv drejt përafrimit të qëndrimeve.
Promo
Reklamo këtuLufta Prigozhin - Putin
Më shumëNga Rubrika
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Ambasadori i Finlandës: Anëtarësimi i Kosovës në NATO do të bëhet realitet
Dashtevski: Jemi të përgatitur për zgjedhjet, rezultatet e para do të shpallen para mesnate
Ambasadori i Finlandës: Anëtarësimi i Kosovës në NATO do të bëhet realitet
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Alarmi i Alicia Kearns për Ballkanin, politologët komentojnë deklaratën e deputetes britanike
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
“Paratë, ose do të vras djalin”, polici kërcënon qytetarin se nuk i dha ryshfet
Parlamenti britanik miratoi mocionin e Alicia Kearns për Kosovën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit