Të prekurit nga vërshimet janë në pritje të pafundme për t’u kompensuar, derisa institucionet e ndryshme shtetërore vazhdojnë t’ia hedhin fajin njëra-tjetrës për vonesat në këtë proces.
Përmbytjet e mëdha që kanë përfshirë Kosovën në fillim të këtij viti kanë shkaktuar dëme të mëdha në infrastrukturë, ekonomi familjare, biznese dhe automjete.
Qytetarët që kanë pësuar nga vërshimet e fundit ende janë në pritje të ndihmës së shtetit për të filluar renovimin e shtëpive.
Dëmet në komunat Skenderaj, Mitrovicë, Klinë e Istog kapin vlerën e disa dhjetëra miliona eurove.
Në këto komuna janë krijuar komisione për të vlerësuar dëmet e shkaktuara nga vërshimet.
Qeveria e Kosovës thotë ende nuk posedon të dhënat zyrtare për dëmet e shkaktuara nga përmbytjet e fundit në disa komuna.
Ministri i Financave, Hekuran Murati ka deklaruar të hënën se deri në sigurimin e raporteve finale për dëmet e shkaktuara në Skenderaj, Klinë, Istog e Podujevë, nuk kanë ndarë fond të veçantë për mbështetjen e këtyre komunave.
“Jemi në kontakt të vazhdueshëm, janë ministritë përkatëse, qoftë MAPL që mbikëqyrur pushtetin lokal, qoftë Ministria e Bujqësisë për dëmet në bujqësi. Jemi në kontakt të vazhdueshëm dhe sapo të kemi edhe shifra dhe vlerësimet nga komisionet përkatëse, normalisht që si qeveri pastaj do të shohim se cilat janë mundësitë për t’i mbështetur të gjitha këto komuna”, tha Murati.
Por, Sazan Ibrahimi, drejtor ekzekutiv i Asociacionit të Komunave të Kosovës, thotë se ka një burokraci të paparë në kompensimin e dëmeve që kanë pësuar qytetarët.
“Ka një burokraci të jashtëzakonshme për rimbursimin e dëmeve. Komunat së pari kanë krijuar komisionet për evidentimin e këtyre dëmeve, pastaj vijnë listat preliminare të dëmeve, pastaj listat finale duhet të shkojnë në kuvende komunale për aprovim dhe më pas këto lista do të dërgohen në Agjencinë për Menaxhimin e Emergjencave. Pas aprovimit të kjo agjenci pastaj listat shkojnë në institucione”, deklaroi për Telegrafin Sazan Ibrahimi.
Ai thotë se është për keqardhje që deri më tani ende nuk janë kompensuar dëmet në amvisëri që janë shkaktuar nga përmbytjet e mëhershme në Rahovec.
Ibrahimi thotë se për këtë arsye kanë bërë thirrje që të krijohet një fond emergjent për rastet kur ka fatkeqësi natyrore, si: vërshime, zjarre, etj.
“Duhet një fond emergjent për komuna, jo për nivel qendrorë, në mënyrë që kjo burokraci të shkurtohet dhe që qytetari të përfitojë sa më shpejt që është e mundur”.
Drejtori ekzekutiv i Asociacionit të Komunave të Kosovës thotë se Qeveria ende nuk ka filluar të kompensojë dëmet dhe ende nuk dihet kur do të fillojë një gjë e tillë.
Në bazë të raporteve preliminare, kryetari i komunës së Skenderajt ka deklaruar se dëmi financiar në këtë komunë tejkalon shifrën e 15 milionë eurove.
Bahtir Maxhuni, drejtor i emergjencave në Komunën e Mitrovicës së Jugut ka thënë se shifra e dëmeve është mbi 14 milionë euro.
Ndërsa kryetari i Klinës, Zenun Elezaj kishte deklaruar se në bazë të raporteve preliminare dëmi në këtë komunë vlerësohet të jetë rreth 9.5 milionë euro.
Derisa mbi tre milionë euro është vlera e dëmeve në komunën e Istogut, pas vërshimeve dhe përmbytjeve të fundit./Telegrafi/
Promo
Reklamo këtuLufta Prigozhin - Putin
Më shumëNga Rubrika
Peci: Me arrestimin e zv.drejtorit të Policisë të Kosovës, Serbia ka bërë një autogol të madh
Kurti takoi nënkryetaret e Mitrovicës së Veriut, Zveçanit dhe Leposaviqit, flasin për regjistrimin e popullsisë
Fillon fushata për zgjedhjet kuvendare, elektrizohet skena politike në Maqedoninë e Veriut
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
Policia serbe e dërgon në paraburgim mërgimtarin nga Gjakova që e arrestoi në kufi
Arrestimi i zv.drejtorit të Policisë së Kosovës, analistët në Beograd: "Shfaqja e muskujve" nga Vuçiqi
U arrestua nga Serbia, lirohet zëvendësdrejtori i Policisë së Kosovës
Maltretimi i kosovarëve në Serbi, eurodeputetja holandeze i reagon Vuçiqit
Zbulohet shifra që u pagua Alma Kaçi për të kryer marrëdhënie seksuale me Safet Gjicin: Ia morën videon me forcë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi