Qeveria e Republikës së Kosovës në mbledhjen e saj të rregullt ka aprovuar sot Kornizën Afatmesme të Shpenzimeve 2018-2020, si dhe Strategjinë e Borxhit Publik 2018-2020, si dokument komplementar i KASH-it.
Ministri i Financave, Avdullah Hoti duke prezantuar këto dy dokumente strategjike të Qeverisë së Republikës së Kosovës, tha se Korniza Afatmesme e Shpenzimeve 2018-2020 paraqet dokumentin kryesor mbi bazën e të cilit do të hartohet Buxheti Vjetor për 2018.
“Qëllimi kryesor i KASH-it është që të ofrojë një analizë të mjedisit makroekonomik në vend, për të vendosur bazën për planifikimet buxhetore për vitet që vijnë në përputhje me prioritetet strategjike të Qeverisë. Prioritetet e vendosura në këtë dokument burojnë nga Strategjia Kombëtare për Zhvillim dhe Programi për Reforma në Ekonomi 2017-2019, si dhe nga strategjitë sektoriale”, shtoi Hoti.
Ai gjithashtu bëri të ditur se fushat prioritare të trajtuara në këtë kornizë janë: arsimi, qeverisja e mirë, sundimi i ligjit, përmirësimi i shërbimeve për qytetarë dhe biznese, menaxhimi efikas i shpenzimeve publike, forcimi i të drejtave pronësore, përmirësimi i efikasitetit të gjyqësorit, industritë konkurruese, infrastruktura në energji, përmirësimi i infrastrukturës rrugore dhe hekurudhore, shtrirja e gjerë e teknologjisë informative, mbështetja e agrobiznesit, shfrytëzimi racional i resurseve ujore, menaxhimi i qëndrueshëm i pyjeve, menaxhimi i mbeturinave, integrimi evropian, politika e jashtme dhe çështjet e sigurisë, ku parashihet: zbatimi efikas i MSA-së në të gjitha fushat, zbatimi i reformave lidhur me krijimin e Forcave të Armatosura të Kosovës, si dhe forcimi i subjektivitetit ndërkombëtar të Kosovës etj.
Sipas ministrit, projeksionet makroekonomike për KASH 2018-2020 janë përgatitur duke marrë për bazë të gjitha politikat të cilat janë duke u implementuar, si dhe iniciativat e reja.
“Zhvillimet e fundit ekonomike në Kosovë japin indikacione për një rritje ekonomike përgjatë kësaj periudhe prej mesatarisht 4.2%. Ky është një vlerësim konservator dhe rritja mund të tejkalojë dukshëm këtë nivel nëse bëhet progres në zbatimin e disa projekteve të mëdha në disa sektorë”, theksoi Hoti.
Ai gjithashtu shtoi se “ajo që është me rëndësi në rritjen ekonomike është fakti se rritja pritet të vijë gjithnjë e më shumë nga investimet vendore dhe të jashtme, e jo nga konsumi siç ka qenë rasti më herët”.
Sipas ministrit, të hyrat e përgjithshme parashihet të rriten mesatarisht prej 9% në vit. Kjo rritje vjen kryesisht nga rritja e të hyrave tatimore, e gjeneruar nga rritja ekonomike dhe nga zvogëlimi i informalitetit.
“Në këtë projeksion janë marrë parasysh edhe efektet në të hyra nga masat që kemi ndërmarrë përmes Pakos Fiskale 1 dhe MSA, si dhe masat që do të ndërmarrim përmes Pakos Fiskale 2”, shtoi ministri Hoti.
Ndërsa, sa i përket shpenzimeve, ministri Avdullah Hoti bëri të ditur se “shpenzimet për periudhën 2018-2020 parashikohen të rriten me rreth 7% në mesatare. Duhet theksuar se kjo rritje vjen kryesisht nga rritja në shpenzimet kapitale, të cilat parashihen të rriten në masën prej 14% në mesatare për periudhën e ardhshme afatmesme. Ndërkaq, shpenzimet rrjedhëse rriten me 3.6% në mesatare”.
“Bazuar në këto shtylla të planifikimit të kujdesshëm, shpenzimet e përgjithshme qeveritare projektohen të jenë rreth 33% e BPV-së në fund të periudhës planifikuese. Shpenzimet kapitale pritet të përfaqësojnë rreth 41% të shpenzimeve totale”, shtoi Ministri Hoti.
Ai bëri të ditur se si rezultat i zbatimit të politikave të kujdesshme fiskale dhe konsolidimit të vazhdueshëm të shpenzimeve publike, shpenzimet rrjedhëse parashikohet të mbajnë një pjesëmarrje prej rreth 19% të BPV-së gjatë periudhës 2018-2020, ndërkaq, shpenzimet kapitale do të përbëjnë afro 13.5% të BPV-së deri në vitin 2020. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Shefja e USAID: Vlerësimi i Kosovës nga FITCH tërheqë investime të huaja
Franca është magnet për investitorët e huaj – cilat reforma i bëri për t’i lënë pas Gjermaninë e Britaninë?
Policia me apel për qytetarët: Kujdes nga mashtrimi përmes investimeve të dyshuara online
Viva Fresh Store renditet si grupi i pestë më i madh i shitjeve me pakicë në Ballkanin Perëndimor!
Bëhu banor i kryeveprës së Prizrenit - Grand Residence
Qysh bohet kerri i vogël, kerr i ri!
Kurrë s’e ke pas ma lehtë se me Telegrafi Jobs me gjetë punë!
Klinika Amerikane “Dr. Behar Kusari” për herë të parë sjellë në rajon trajtimin pa dhimbje me Laser të Hemorroideve, Fistulave dhe Sinuseve Pilonidalis
Çfarë monedhe do të kishte Skocia e pavarur?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'