Situata politike në Kosovë është mjaft e rëndë por zgjedhjet nuk zgjidhin asnjërin prej problemeve të mëdha në vend.
Kështu deklaroi deputeti i Lëvizjes për Bashkim, Raif Qela.
Qela në një prononcim për Telegrafin tha se ngecja në zhvillimin ekonomik të vendit, mungesa e shumëpritur e vendeve të reja të punës, si dhe problemet me sovranitetin janë problemet kyçe të këtij vendi.
“Sistemi i arsimit i degraduar për kohë të gjatë, sistemi problematik i shëndetësisë, tek i cili qytetarët e kanë humbur besimin, si dhe sistemi dëshpërues i kujdesit social e rëndojnë edhe më shumë situatën politike në vend.”, – ka thënë ai.
“Mungesa e krijimit të perspektivës për një jetë më të mirë, pritjet e mëdha, mundësitë e vogla dhe perceptimi i krijuar për shpërdorime të shumta të pozitës zyrtare të bartësve të institucioneve, si korrupsioni, nepotizmi e papërgjegjësia institucionale, të cilat janë kancer që e gërryen nga brenda shoqërinë dhe ia mbyt shpresat për një jetë më të mirë janë disa prej faktorëve kryesorë të rritjes së pakënaqësisë qytetare. Problemet e shumta të kësaj shoqërie janë përcjellë edhe me pakënaqësi qytetare, të shprehura shpeshherë edhe në forma të dhunshme”, u shpreh Qela.
Ai tha se është koha që këto probleme të adresohen dhe të fillojnë të zgjidhen”.
Sipas tij, sado të vogla të jenë sukseset e kësaj qeverie, vlejnë të përmenden dy prej tyre: Ligji për Trepçën dhe Ligji për investime strategjike.
“Një qeveri e përgjegjshme do të mund të bënte punë të mëdha me favoret që janë krijuar me këto dy ligje”, tha ai.
Ndryshe, Qela po ashtu tha se vendi ka ngecje në zhvillimin ekonomik duke bërë kështu ‘rritje artificiale e buxhetit’.
“Përpjekja për t’i ikur ballafaqimit me problemet reale të ngecjes në zhvillimin ekonomik të vendit, duke e rritur buxhetin artificialisht, përmes huave, të cilat do të detyrohemi t’i kthejmë më vonë, mbase të grumbulluara dhe me dhembje shumë të mëdha gjatë kthimit të tyre, nuk është zgjidhje e drejtë”, tha ai.
Me këtë brumë të skenës publike, nuk ka ndryshim cilësor as me zgjedhje të reja
Për mbajtjen e zgjedhjeve të parakohshme, Qela tha se tha se asnjë nga problemet e mëdha të kësaj shoqërie nuk do të zgjidhen përmes mbajtjes së zgjedhjeve të parakohshme.
“Rezultati do të ishte përafërsisht i njëjtë. Me këtë brumë të skenës publike nuk ka mundësi të dalë rezultat tjetër i ndryshëm prej atij që është tani. Dhe cilido kombinim i mundshëm ndërmjet subjekteve ekzistuese të skenës sonë politike do të ishte pothuajse i papërfillshëm për të ardhmen e këtij vendi. Që të përmirësohet sadopak skena politike, ndër të tjera, duhet që të hapet rrugë për cilësi më të mirë të përfaqësimit. Kjo nuk mund të bëhet pa reformë të thellë zgjedhore”, tha ndër të tjera Qela.
“Që të mos lejohet deformimi i vullnetit të qytetarëve duhet të bëhet pastrimi i listave të zgjedhësve, të ulet pragu zgjedhor, të krijohet sistem më i mirë i kontrollit të procesit zgjedhor etj. Se subjektet e mëdha ekzistuese – pozitë e opozitë – nuk kanë pasur fare vullnet që ta përmirësojnë sistemin zgjedhor dëshmon edhe këmbëngulja e tyre për ta penguar me çdo kusht heqjen e pragut zgjedhor”, tha ai.
Po ashtu Qela tha se ngërçi institucional, i krijuar pas zgjedhjeve të kaluara, nuk do të ndodhte po të kishte më shumë alternativa.
“Madje po të ishte pragu zgjedhor më i ulët, nuk do të vinte as edhe deri te ngërçi paszgjedhor, siç ndodhi pas zgjedhjeve të përgjithshme 2014. Kjo do të mundësonte më shumë kombinime për spektrin qeverisës dhe nuk do të varej aq shumë nga forca e tretë apo e katërt politike. Sistemi zgjedhor me prag zgjedhor të lartë është i volitshëm për demokracitë e konsoliduara, por jo edhe për Kosovën…”, tha ai.
“As me zgjedhje të parakohshme nuk do të mund të zgjidheshin disa prej çështjeve që janë bërë mollë sherri e konfliktit ndërmjet opozitës e pushtetit, si problemet e pazgjidhura me Serbinë dhe demarkacioni i kufirit me Malin e Zi, përderisa në skenën tonë politike i kemi këto subjekte ekzistuese. Madje, opozita ekzistuese, me këtë qasje, jo vetëm që nuk do t’i zgjidhte këto probleme, por do t’i fuste ato edhe më thellë në qorrsokak”.
Sipas tij, këto çështje mund të zgjidhen drejt vetëm me qasje tjetër ndaj këtyre proceseve.
“Sado që janë bërë disa hapa në luftimin e dukurive negative, akoma ka dukuri të tilla, që janë kancer për shoqërinë tonë, kancer që e gërryen nga brenda këtë shoqëri dhe ia mbyt shpresat për një jetë më të mirë. Duhet të kemi besim se përmirësimi i gjendjes politike në vend do të ndodhë. Dhe, sado i ngadalshëm, ai po ndodh…”, përfundoi deputeti i Kuvendit të Republikës së Kosovës nga Lëvizja për Bashkim, Raif Qela. /Telegrafi/
Lufta Prigozhin - Putin
Më shumëNga Rubrika
Të shtëna me armë në Lupç të Podujevës, katër të plagosur
SPB Ohër: Qytetarët të mos bien pre e telefonatave për aksidente të rreme
Pendarovski dhe Siljanovska vazhdojnë fushatën, kërkojnë mbështetje në rrethin e dytë të zgjedhjeve presidenciale
Hyn në fuqi marrëveshja, Shqipëria dhe Kosova heqin kontrollet në kufij për nëntë muaj
Hapet segmenti tre kilometra që lidhet me Urën e Kukësit, ura hapet plotësisht brenda qershorit
Kurti takon tri nënkryetaret serbe, konsultohet për lirinë e asocimit të komunave në veri
Cameron flet për vizitën e tij në Kosovë, tregon se çfarë i tha sekretarit të NATO-s lidhur me KFOR-in
SBAShK i kërkon Qeverisë dialog dhe rritje të pagave për së paku 30% – paralajmëron veprime tjera sindikale
Pas skandalit në TikTok, Policia kërkon ndihmë për kapjen e shtetasit të Shqipërisë, i cili ndodhet në një burg në Francë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Harry Kane i përgjigjet incidentit të penalltisë me Jude Bellingham me një përgjigje të qartë
Ancelotti tregohet i sinqertë për lojën që bëri Bayerni përballë Realit
Tchouameni ndërpreu Mullerin në intervistë, krijohet situatë qesharake mes dyshes
Tifozja shqiptare e mbështjellur me flamurin kombëtar në tribunat e Allianz Arenas për ndeshjen Bayern-Real
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës