Të hënën (9 maj) ‘trailer’-i i parë për vazhdimin e shumëpritur të James Cameronit të Avatarit, “Avatar: The Way of Water”, debutoi në masë pasi u shfaq premierë në CinemaCon muajin e kaluar

Pamja e shkurtër një minutë e gjysmë tregon spektaklin e mbushur me aksion, duke përfshirë malet ikonë lundrues dhe një kufi të ri për ekskluzivitetin e filmit: botën nënujore.

“Unë e di një gjë: Kudo që të shkojmë, kjo familje është kështjella jonë”, i thotë Jake Sully i Sam Worthington për Neytirin e Zoe Saldana në fund të ‘trailer’-it.

Foto: Avatar

Avatari i parë doli në kinema në dhjetor 2009, duke revolucionarizuar shfaqjen e filmave 3D me përparimet e tij të fundit në teknologji.

Së bashku me Worthington dhe Saldana, Sigourney Weaver, Stephen Lang, Joel David Moore dhe CCH Pounder gjithashtu kthehen në pjesën e re.

Kate Winslet i bashkohet kastit së bashku me Michelle Yeoh, Cliff Curtis, Edie Falco dhe Jemaine Clement.

Foto: Avatar

Tani në pronësi të Disney pas blerjes nga kompania të 20th Century Fox në 2019, vazhdimi i vonuar prej kohësh i Avatarit aktualisht është planifikuar për një datë 16 dhjetor 2022 si datë lansimi. Një film i tretë pritet të debutojë në vitin 2024, një i katërt në 2026 dhe një i pesti në 2028. Studio gjithashtu do të rilançojë Avatarin origjinal në kinema më 23 shtator.

"Avatar: The Way of Water" do të ketë premierën në fund të vitit 2022 "Avatar: The Way of Water" do të ketë premierën në fund të vitit 2022

Producenti Jon Landau tha për Entertainment Weekly në dhjetor se “në fund të fundit, vazhdimet janë një histori për familjen dhe rrugët që prindërit do të kalojnë për ta mbajtur atë familje të bashkuar dhe për t’i mbajtur të sigurt”.

Origjinali i vitit 2009 theu rekordet e arkës pas publikimit të tij dhe gjithashtu fitoi nëntë nominime për Oscar – duke përfshirë filmin më të mirë – me tre fitore gjithsej. /Telegrafi/