Publikohen pamjet e reja nga sulmi me thikë, momenti kur turma në sallë “neutralizojnë” sulmuesin e Salman Rushdie

Një video e re e publikuar sot shfaq momentin, kur audienca vrapojnë për ta “neutralizuar” sulmuesin që theri me thikë shkrimtarin Salman Rushdie në New York.

Si pasojë e këtij sulmi me thikë në qafë, Salman është në ventialator dhe rrezikon të humb njërin sy, transmeton Telegrafi.

Videoja treminutëshe shfaq turmën duke bërtitur, dhe dhjetëra prej tyre që vrapojnë drejtë skenës për ta zënë sulmuesin të cilin më pas e kapin policia.

Videoja është shpërndarë nga pjesëmarrësit e ngjarjes, ku Rushdie po mbante fjalim në Chautauqua të New Yorkut.

Lexo po ashtu Policia amerikane zbulon identitetin e sulmuesit të shkrimtarit Salman Rushdie, i cili u ther disa herë në qafë në New York

Për gjendjen shëndetësore të Rushdie ka folur agjenti i tij Andrew Wylie, i cili tha se nuk ka lajme të mirë dhe se ka gjasa të mëdha që Salman të humb njërin sy, pasi i janë këputur edhe nervat në kraharorin e majtë si dhe ka pësuar dëmtime në mëlçi nga therja me thikë.

Në anën tjetër, policia ka njoftuar se ka identifikuar të dyshuarin Hadi Matar, 24-vjeç nga New Jersey i cili është në paraburgim dhe po akuzohet për tentimvrasje të shkallës së dytë. /Telegrafi/