Asambleja Parlamentare e Këshillit të Evropës të martën në mbrëmje votoi pro anëtarësimit të Kosovës në KiE. Tani për këtë vendim nuk ka mbetur asnjë pengesë politike.
Edhe serbët e pranojnë publikisht humbjen e tyre në këtë betejë dhe parashikojnë se Kosova do të marrë një ftesë zyrtare për anëtarësim në Këshillin e Evropës në më pak se një muaj, thuhet në një shkrim autorial të mediumit nga Ukraina, “European Pravda”.
Sipas shkrimit për Beogradin, 16 prilli është një ditë e disfatës politike, të cilën autoritetet serbe e kanë shtyrë me sukses për shumë vite, por nuk kanë arritur ta bëjnë këtë në dy vitet e fundit.
Artikulli shkruan se disa shtete përfshirë disa anëtare të BE-së, ende nuk e njohin pavarësinë e Kosovës, kryesisht për shkak se kanë çështjet e tyre të brendshme e njëra ndër to është edhe Ukraina.
Për këtë arsye Kosova u bllokua nga organizatat ndërkombëtare.
Procesi filloi pas pushtimit në shkallë të plotë në 2022. Pastaj, kur rusët u dëbuan nga Këshilli i Evropës, Kosova aplikoi në Strasburg dhe procesi filloi, ndërkaq serbët, të cilët gjithmonë mbështeteshin te rusët, e gjetën veten në një realitet të ri.
Për Kosovën, anëtarësimi në Këshillin e Evropës është në radhë të parë çështje njohjeje. Dhe këtë nuk e kanë përmendur vetëm folësit serbë, deklaratat e të cilëve kryesisht janë injoruar. Këtë nuk e fshehën vetë kosovarët, madje, dokumenti i miratuar drejtpërsëdrejti thotë se statusi i Kosovës po ndryshon, shkruan artikulli.
Sepse Këshilli i Evropës si organizatë, që nga momenti i ftesës së Kosovës duhet “të ndërpresë politikën e saj neutrale ndaj statusit”, pra të njohë sovranitetin e saj, thuhet në vendim shkruan artikulli treansmeton Telegrafi.
Sipas këtij medium ukrainas Strasburgu, natyrisht, nuk mund të detyrojë Kievin, Bukureshtin apo Madridin që të ndërmarrin ndonjë veprim ligjor në marrëdhëniet ndërkombëtare, e lëre më të njohë pavarësinë e Kosovës. Por, injorimi i këtij ndryshimi do të jetë gjithashtu i vështirë, sepse në kuadër të Këshillit të Evropës, Ukraina tani do të duhet të komunikojë me Kosovën në nivel zyrtar, diplomatik.
Mediumi ukrainas shkruan se qartësimi do të vijë pas mbledhjes së Komitetit të Ministrave më 16-17 maj në Strasburg, i cili supozohet të miratojë vendimin përfundimtar.
Fati do të vendoset jo vetëm për Serbinë, por edhe për Ukrainën. Ukraina nuk e njeh pavarësinë e Kosovës për një arsye. Nga ana tjetër, kur zgjedh një partner, ka më shumë kuptim të mbështeten kosovarët, të cilët ndihmojnë Ukrainën gjatë agresionit rus dhe madje dërgojnë ndihmë ushtarake për Forcat e Armatosura të Ukrainës, sesa për qeverinë proruse të Serbisë. Për më tepër, nuk do të ishte mirë të merrej një armik tjetër në formën e Beogradit, veçanërisht duke pasur parasysh thashethemet se municionet serbe përfundojnë në Forcat e Armatosura të Ukrainës përmes mekanizmave të ri-eksportit (me pëlqimin e heshtur të qeverisë serbe). Tani për tani, Kievi po përpiqet të “fusë gjilpërën” pa ofenduar asnjërën palë përfundon artikulli autorial në këtë medium. /Telegrafi/
Lufta Prigozhin - Putin
Më shumëKush ishin dy gratë që dhanë idenë për pajtimin e gjaqeve, tregon bashkëpunëtori i Anton Çettës
Bajrami: Jam i gatshëm ta ndihmoj Kurtin në procesin e Asociacionit
Të shtëna me armë në Lupç të Podujevës, katër të plagosur
Balje: Deklarata e Kurtit për Kodin Civil është provokuese, nuk votoj pro martesave të gjinisë së njëjtë
Ndalohen për 48 orë pesë të dyshuar për rastin e plagosjes në Lupç
Vdes në vendin e punës punëtorja e një furre të bukës në Mitrovicën e Veriut
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit