“Proud” është kënga me të cilën Tamara do ta prezantojë Maqedoninë në “Eurovision 2019”

Maqedonia edhe këtë vit do të tentojë për një vend më të mirë në kualifikim në kontestin evropian për këngë, “Eurovision 2019”. Këtë herë do të tentohet rezultat më i mirë me Tamara Todevska me këngën “Proud” që do ngjitet për së dyti herë në skenën e këtij festivali, pas përvojës në vitin 2008.

Muzika dhe klipi i Tamarës, sot është promovuar nga Radio Televizioni shtetëror i Maqedonisë së Veriut. Pjesëmarrës kryesor në klip është trevjeçarja Hana.

“Ja kushtoj muzikën “Proud” vajzës sime, dhe të gjithëve që luftojnë për ëndrrat dhe besimet për madhështinë e tyre. Më 16 maj ne do thyejmë rregullat, të paktën për një natë, duke i treguar botës se ‘UNË JAM KRENARE’ është më e fuqishme se ‘TI NUK DO TË JESH ASNJËHERË MJAFTUESHËM MIRË'” thotë Tamara për Telegrafi Maqedoni.

Video gjithashtu përfshin edhe pjesë nga gra që inspirojnë Tamarën të mendojë se ëndrrat bëhen realitet.

“Proud” është kompozuar nga Robert Bilbilov, Lazar Cvetkovski dhe Darko Dimitrov, ndërsa vargjet e këngës janë shkruar nga Kosta Petrov dhe Sanja Popovska. Regjisor i videos muzikore është Cedo Popovski.

Në klipin e këngës marrin pjesë personazhe të njohura nga bota e medias dhe muzikës nga Maqedonia.

Përndryshe, “Eurovision”-i këtë vit do të mbahet në Izrael në datat 14, 16 dhe 18 maj, në Tel Aviv. /Telegrafi/