Protesta në Mianmar për lirimin e udhëheqëses së zgjedhur Suu Kyi

Qindra njerëz janë mbledhur në qytetin kryesor të Mianmar, Yangon, për të protestuar ndaj grushtit të shtetit ushtarak të kësaj jave, raporton BBC.

“Diktator ushtarak, dështo, dështo, demokraci, fito, fito”, brohoriti turma në protestën më të madhe që nga fillimi i marrjes së pushtetit nga ushtria.

Ata bënë thirrje për lirimin e udhëheqëses së zgjedhur Aung San Suu Kyi dhe të tjerëve të arrestuar nga ushtria ditë më parë.

Protesta erdhi pavarësisht përpjekjeve të ushtrisë për të ndaluar njerëzit të mobilizohen duke bllokuar qasjen në rrjetet sociale në vend.

Të premten në mbrëmje, Telenor, një nga ofruesit kryesorë të internetit të vendit, konfirmoi se ishte urdhëruar të ndalonte hyrjen në Twitter dhe Instagram “deri në një njoftim tjetër”.

Udhëheqësit e grushtit të shtetit bllokuan aplikacionin Facebook të enjten siç thanë për hir të “stabilitetit” në vend.

Ndërsa edhe të shtunën, raporte të pakonfirmuara dolën në lajmërim për një mbyllje totale të internetit.

Aung San Suu Kyi është në arrest shtëpiak, sipas avokatit të saj. Dokumentet e policisë tregojnë se ajo akuzohet për import të paligjshëm dhe përdorim të pajisjeve të komunikimit radio dore në shtëpinë e saj në Nay Pyi Taw.