Pronari kroat i Bugatti Rimac ofron 1000 euro për këdo që i rekomandon një punëtor të mirë

Mate Rimac është në kërkim të punonjësve të rinj dhe kërkon kandidatë përmes rekomandimeve – kushdo mund t’i rekomandojë atij.

Domethënë, kushdo që i referohet një kandidati që përfundimisht punësohet në Rimac do të marrë një shpërblim prej 1000 eurove – pavarësisht nëse është i punësuar në Rimac Group apo jo.

“Ndërsa zgjerojmë punën e projektit për shumë kompani globale të automobilave, ne zgjerohemi në të gjitha nivelet. Kushdo që referon një kandidat që ne do ta punësojmë përfundimisht, do të shpërblehet me 1,000 euro (bruto) – pavarësisht nëse jeni punonjës i Rimac Group ose jo”, ka shkruar Mate Rimac në Facebook.

Lexo po ashtu Bugatti dhe Rimac bashkojnë forcat, krijojnë markën e re – historia e kompanisë kroate që arriti të bëhet kryelajm i mediave botërore

Ata janë në kërkim të ekspertëve me përvojë të prokurimit dhe logjistikës, të cilët mund të marrin përgjegjësi për projekte të mëdha.

“Menaxhimi i kërkesave të projekteve të tilla komplekse nuk është për fillestarët, ndaj ju lutemi mos e humbni kohën tuaj dhe tonën me rekomandime për njerëzit e pakualifikuar”, ka përfunduar Rimac.

Ndryshe, më 2 nëntor të vitit 2021, Rimac u shpall CEO i Bugatti Rimac, një partneritet i përbashkët midis Rimac Group, Bugatti dhe Porsche AG. /Telegrafi/