Promoteri Eddie Hearn paralajmëron konferencë shtypi për javën e ardhshme, super-meçi mes Joshuas dhe Parkerit pritet të ndodh në mars ose prill

Sipas promotorit të njohur, Eddie Hearn, rivaliteti i zhurmshëm në mes të Anthony Joshuas me Joseph Parkerin do të vlojë në konferencën e parë për shtyp nëse përplasja e tyre e për unifikimin e titujve konfirmohet.

Hearn mbajti një takim tjetër me promotorin e Parkerit, David Higgins dje (e mërkurë), ku kanë vazhduar diskutimin për detajet e mbetura të një marrëveshjeje boksi mes klientëve të tyre.

Marrëveshja përfshin meçin për unifikimin e titujve në peshat e rënda, me Joshuan që do të vë titullin e tij WBA dhe atë IBF në rrezik kundër kampionit të WBO-së, Parker.

Lexo po ashtu Parker dhe Wilder thumbojnë Joshuan para një meçi të mundshëm, nuk mungon edhe përgjigjja e AJ

Joshua pritet të vihet ballë për ballë në konferencë me boksierin nga Zelanda e Re në javën e ardhshme nëse bisedimet shkojnë sipas planit  dhe ata do të rifillojnë një betejë verbale që u nxit nga një seri komentesh kritike nga Parker dhe Higgins para disa muajve.

“Isha duke folur me David Higgins dje. Ata me të vërtetë besojnë se do ta nokautojnë Joshuan”, ka thënë fillimisht Hearn për Sky Sports News.

Lexo po ashtu Parker pretendon se ka marrëveshje me Joshuan, në 2018 meçi i shumëpritur për unifikimin e titujve në peshat e rënda

“Ndihemi ndryshe. Ju do të shihni shumë ‘zjarr’ këtë konferencë për shtyp. David Higgins ka shumë për të thënë për veten e tij, ai është një karakter qesharak, dhe Anthony Joshua nuk e pëlqen atë që Joseph Parker ka thënë”.

“Kjo mund të jetë hera e parë që do të shohim një ndryshim të Anthony Joshuas dhe unë jam i gëzuar kur e shoh”.

Joshua do të lidhet me trajnerin Rob McCracken në Sheffield brenda dy javëve të ardhshme për të filluar përgatitjet, ndërsa Parker do të jetë i bazuar në Las Vegas përpara luftës, e cila do të organizohet në një vend britanik në mars ose prill.

Lexo po ashtu Joshua kthehet në muajin mars në ring ndaj Parkerit, promotori Hearn tregon se marrëveshje është shumë afër

“AJ dëshiron të gjitha rripa dhe Parker është luftëtari i përsosur në kohën e përkryer”, tha Hearn.

“Kjo është një luftë e madhe mes dy kampionëve të pamposhtur të peshave të rënda botërore dhe ne jemi afër tani”, përfundoi promotori i njohur. /Telegrafi/