Prokuroria Speciale e Kosovës ka vendosur që listës së rasteve të shënjestruara, t’ia shtoj edhe sulmin terrorist të Banjskës.
Sulmit terrorist të Banjskës, Prokuroria Speciale i ka dhënë zyrtarisht një trajtim më të veçantë.
E ka bërë pjesë të listës së rasteve të shënjestruara.
Megjithatë, në njoftimin e lëshuar për mediet, Specialja nuk ka treguar nëse do t’i trajtojë edhe veprat penale të cilat ndërlidhen me terrorizmin.
“Prokuroria Speciale njofton se rasti është shenjëstruar për ‘Shpëlarja e parave’, si dhe vepra të tjera penale. Gjithashtu, ju njoftojmë se në kuadër të hetimeve janë sekuestruar dhe konfiskuar sasi e madhe e armatimit të llojit të ndryshëm, rreth tridhjetë (30) vetura, si dhe pasuri të paluajtshme rreth njëzet milion (20.000.000) euro”, ka thënë Prokuroria Speciale.
Një pjesë e pasurisë së paluajtshme prej 20 milionë eurosh, besohet ta kenë për pronar, ish-nënkryetarin e Listës Serbe, Milan Radojiçiq, duke përfshirë edhe vilën luksoze buzë Liqenit të Ujmanit.
Vendimi është marrë në një takim të cilin e ka kryesuar kryeprokurori i Prokurorisë Speciale, Blerim Isufaj.
Sikur Banjska, Prokuroria ka të shënjestruara edhe dhjetëra raste të tjera, shumë prej të cilave nuk arriti t’i përfundojë suksesshëm.
Shënjestrimi kishte nisur të përdorej si praktikë, pasi ishte një nga kriteret e Bashkimit Evropian për liberalizimin e vizave, të cilit tashmë vlerësohet t’i ketë kaluar koha.
“Shënjestrimi i rasteve konsideroj që në esencë është i tejkaluar. Nuk ka prodhuar asnjë efekt pozitiv dhe mbi të gjitha nuk e ka përmirësuar në asnjë formë cilësinë e drejtësisë që u ofrohet qytetarëve të Republikës së Kosovës”, ka theksuar Labinot Leposhtica – BIRN.
Labinot Leposhtica që i ka monitoruar nga afër shumë prej rasteve të shënjestruara, tregon se disa u vjetërsuan, e të tjera përfunduan me aktgjykime liruese.
“Edhe pse këto raste do të duhej të trajtoheshin me prioritet, do të duhej të trajtoheshin në mënyrën më të mirë të mundshme, qoftë gjatë hetimeve, por edhe gjatë shqyrtimit gjyqësor, e kemi parë që edhe në këto raste ka pasur parashkrim, pra vjetërsim. Që është një absurditet i llojit të vet, sepse vetë procesi i shënjestrimit të rasteve ka nënkuptuar që këto janë raste shumë të rëndësishme dhe si të tilla, ecuria e tyre duhet të përcillet dhe duhet t’i kushtohet vëmendje”, ka shtuar Labinot Leposhtica – BIRN.
Në mesin e rasteve të tjera të parashkruara, janë Hidrocentralet, ku të akuzuar kanë qenë disa ish-ministra, Feronikeli e rasti FAN, ku ishte i akuzuar një ish-deputet./RTV Dukagjini/
Lufta Prigozhin - Putin
Më shumëRegjistrimi i diasporës: Çfarë përfiton Kosova?
Ekipet e reja për mbledhjen e mbeturinave, Rama njofton se janë sulmuar fizikisht punëtorët në lagjen Dardania
Meloni reagon ndaj emisionit investigativ të Rai3: Linçoi Ramën se mbrojti Italinë
"Daily Mail" shkruan për kosovarin me nënshtetësi angleze që po mbahet në një burg ferri në Serbi
Kryetari i Istogut deklaron mbi 3 mijë euro kursime në bankë, e bashkëshortja e tij vetëm 30
Italiania e dashuruar me Sarandën: Sa erdha thashë do të jetoj këtu, tani kam biznes
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Xhensila Myrtezaj rrëzohet në skenë, në nisje të performancës: Uroj të mos e keni kapur këtë
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
NASA dhe Nokia po dërgojnë rrjetin 4G në hapësirë - çfarë do të thotë kjo për njerëzimin?
Pamje të reja nga përplasja e Salahut me Kloppin tregojnë saktësisht se çfarë ka ndodhur