Projektligji që synon të ndalojë pensionimin selektiv të mjekëve në Maqedoni
Në Kuvendin e Maqedonisë së Veriut është iniciuar një projektligj, në bazë të të cilit të gjithë mjekët që duan të punojnë deri në moshën 67-vjeçare, mund ta bëjnë një gjë të tillë. Aktualisht, një gjë e tillë varet nga vullneti i drejtorëve të klinikave dhe ministrit të Shëndetësisë.
Me gjithë mungesën e mjekëve, Ministria e Shëndetësisë gjatë periudhës 2022 -2023 ka refuzuar kërkesën e 180 prej tyre që të vazhdojnë punën deri në moshën 67-vjeçare.
Një nga ata që ka bërë kërkesë për të vazhduar punën pas moshës 64-vjeçare është dhe Marija Raleva, nga Klinika Universitare për Psikiatri dhe profesoreshë në Fakultetin e Mjekësisë. Ajo thotë se kërkesa e saj është refuzuar nga autoritetet shëndetësore në vitin 2022.
Për ta realizuar këtë drejtë ajo nuk ka iniciuar procedurë në organet e drejtësisë, por këtë e ka bërë kolegu i saj që tashmë disa vjet synon të dëshmojë se Ministria e Shëndetësisë ka shkelur ligjin kur nuk e ka lejuar të punojë deri në moshën 67-vjeçare.
“Deri në momentin e fundit asnjë nga ne që kemi paraqitur kërkesa, nuk e dinim nëse do të merrnim një vazhdim të kontratës së punës. Pastaj mora një vendim për të punuar edhe për një vit. Gjithçka ishte shumë poshtëruese dhe nuk kërkova më zgjatje. Unë kam kolegë, të cilët drejtori i klinikës nuk i ka lënë ta vazhdojnë punën, ndaj nuk kanë arritur as te ministri”, thotë një mjek specialist dhe profesor në Fakultetin e Mjekësisë, i cili ka dashur të mbetet anonim.
Propozimi në fjalë që ua mundëson mjekëve që duan të punojnë deri në moshën 67-vjeçare është iniciuar nga dy deputetët e Lidhjes Social Demokrate (LSDM), Martin Kostovski dhe Sonja Mihailovska.
“Ky është një propozim që duhet të përfshijë të gjithë mjekët në vend, nga të gjitha spitalet, jo vetëm specialistët apo profesorët. Motivi për inicimin e këtij propozim-ligji në Kuvend është mungesa e mjekëve dhe synimi për të shmangur subjektivizmin kur vendoset se kush duhet të lejohet të punojë deri në moshën 67 vjeç dhe kush jo. Zgjidhja nuk është që të vendosë ministri, por të detyrohet drejtori i institucionit që të vazhdojë punësimin e mjekut që dëshiron të mbetet në punë edhe pas pensionimit”, thotë për Radion Evropa e Lirë deputeti Martin Kostovski.
Nga Oda Mjekëve thonë se angazhimi i mjekëve deri në moshën 67-vjeçare mundëson shërbime më të mira për pacientët në kohën që klinikat zbrazen nga punonjësit e shëndetësisë.
“Duke marrë parasysh se ne kemi deficit të kuadrove që tashmë të janë të dëshmuar si specialistë të mjekësisë dhe profesorë në lëmi të ndryshme në mjekësi pse të mos u mundësohet atyre që deri në moshën të paktën 67-vjeçare të japin kontributin e tyre në institucionet shëndetësore”, thotë për REL-in, Bekim Ismaili nënkryetar i Odës së Mjekëve.
Nga Oda e Mjekëve konsiderojnë se nëse mjekëve me përvojë u mundësohet të mbeten më gjatë në punë, do të mund të kontribuonin me përvojën e tyre në aftësimin më të mirë të mjekëve të rinj që sapo kanë filluar të ndërtojnë karrierën e tyre profesionale:
“Fakti që me ndryshimet e reja ligjore, të cilat janë në procedurë parlamentare, nuk kërkohet pëlqimi vendimtar nga drejtori dhe ministri i Shëndetësisë për zgjatjen e marrëdhënies së punës deri në 67 vjet, e konsiderojmë zgjidhje të mirë sepse në këtë mënyrë do të përjashtohet momenti subjektiv në vendimmarrje”.
Nga ana tjetër, Shenasi Jusufi, pjesë e komisionit për çështje profesionale në kuadër të Odës së Mjekëve thotë për Radion Evropa e Lirë se krahas zgjatjes së përvojës në punë, autoritetet duhet të gjejnë mekanizma që mjekët e rinj mos e braktisin vendin.
“Duhet të krijohen kushte optimale për mjekët, të rriten rrogat, t’u mundësohet më shumë specializim… pasi mund të themi se 50 për qind e mjekëve të licencuar janë të interesuar dhe kanë marrë dokumentacionin që u mundëson të punojnë në vendet e Bashkimit Evropian, mbase jo të gjithë do të shkojnë por alarmues është fakti, e ritheksoj, se janë të interesuar të punojnë në vendet evropiane”, thotë mjeku Jusufi.
Në bazë të të dhënave të regjistrit të Odës së Mjekëve në Maqedoninë e Veriut rreth 9 mijë e 400 mjekë kanë licencë aktive për punë, ndërkaq deri në fund të vitit pritet të pensionohen 214 prej tyre që arrijnë moshën e pensionimit 64 vjeç./REL/
Lufta Prigozhin - Putin
Më shumëNga Rubrika
Euro prek një minimum të ri historik në tregun valutor në Shqipëri, zbret në 100.31 lekë
“Në hava kam me t’çu se e kam vajzën deputete”, Deliu-Kodra me kritika të ashpra ndaj deputetes së LVV-së duke ia kujtuar rastin e 90-vjeçarit
Biserko për Qeverinë e re në Serbi: Dy emra që janë nën sanksione amerikane, po vazhdon trendi autoritativ
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
“Ju kemi njohur para lufte...ju njohim edhe tash”, Haxhiu, opozitës: Milionerë nuk ishit, jeni bërë vetëm duke qenë në qeveri
Vrasja e Liridona Ademajt - edhe dy muaj paraburgim për Naim Murselin dhe dy të tjerët, i dyshuari i katërt mbrohet në liri
Siljanovska: Nuk do t'i largojë tabelat Maqedonia e Veriut, dhe do ta përdor vetëm Maqedonia
Murati i përgjigjet opozitës: Në raportin e DASH-it ka përgjysmim të korrupsionit me këtë Qeveri
Britania e Madhe kërkon t’i kushtohet më shumë vëmendje rreziqeve të konfliktit në Ballkan
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit