Programi për Mbështetjen e Konkurrueshmërisë së Ndërmarrjeve të Vogla dhe të Mesme (NVM) në Kosovë është program i Bankës Evropiane për Rindërtim dhe Zhvillim (BERZH) dhe Bashkimit Evropian.
Ky program synon të përmirësojë konkurrencën e bizneseve dhe mundësitë e tyre për tregtim në rajon dhe me shtetet e BE-së, përmes investimeve të zgjedhura dhe të mbështetura me grante.
BERZH siguron fonde për kreditë, kurse BE ofron grante dhe ndihmë teknike falas.
Aktualisht nga ky program janë ndarë mbi 9 milionë euro për 30 projekte. Kompanive ju aprovohet një grant prej 15 për qind në shumën e kredisë pas verifikimit të investimit të tyre.
Giovanni Vaccari nga Programi për Mbështetjen e Konkurrueshmërisë së NVM-ve në Kosovë në një bisedë për Telegrafin, thotë se të gjitha ndërmarrjet private lokale, sipas përcaktimit të BE-së, kanë të drejtë të aplikojnë.
“Një NVM është një kompani e cila ka më pak se 250 të punësuar, më pak se 50 milionë euro qarkullim vjetor ose 43 milionë euro bilanc vjetor. Kompania duhet të jetë në përputhje me ligjin vendor dhe duhet të jetë e aftë financiarisht për të marrë kredi tek banka vendore që siguron fondet, sipas procedurës së tyre të brendshme. Aktualisht, në Program kemi dy banka pjesëmarrëse: Banka për Biznes dhe ProCredit Bank”, thotë Vaccari.
Ai tregon se programi është përqendruar në shëndet, siguri në punë dhe cilësi të produktit.
“Ky program është përqendruar në tre fusha kryesore: shëndetin dhe sigurinë në punë, mbrojtjen e mjedisit dhe cilësinë e produktit. Sidomos në këto hapësira, Programi synon të rrisë standardet e zbatuara në NVM-të lokale me standardet evropiane. Prandaj, kur zbaton standardet evropiane në cilësinë e produktit, kompania do të prodhojë më mirë dhe gjithashtu do të prodhojë cilësi më të mirë të produkteve, dhe do të jetë në gjendje të forcojë pozicionin e saj në treg dhe gjithashtu nëse eksporton – edhe në tregun evropian”, tregon ai.
Vaccari shpjegon se cilësia e produktit është një pikë thelbësore për NVM-të lokale.
“Sipas mendimit tim, ajo që ne përmendëm tashmë për cilësinë e produktit është një pikë thelbësore për NVM-të lokale. Nëse NVM-të lokale do të jenë në gjendje të përmirësojnë procesin e tyre të prodhimit dhe të përmirësojnë produktet e tyre, tregu i tyre do të jetë më i gjerë dhe ato do të jenë në gjendje të eksportojnë dhe rrisin pozicionin e tyre në të gjithë Evropën”, shpjegon Vaccari.
Ai në këtë intervistë tregon udhëzimet se si kompanitë lokale mund të aplikojnë për kredi në këtë program.
“Kompanitë lokale të interesuara për aplikim për kredi sipas këtij Programi mund të shikojnë në faqen tonë të internetit www.web-sme-csp.com ku mund të gjejnë informata në lidhje me kontaktet tona, ka histori suksesi, kriteret e pranueshmërisë dhe gjithashtu në faqen tonë në Facebook, ku ne publikojmë rregullisht postime për aktivitetet tona, por edhe për aktivitetet e parashikuara ku planifikojmë të marrim pjesë, në mënyrë që të mund t’i takojmë personalisht kompanitë e interesuara. Sigurisht, kompanitë mund të na kontaktojnë përmes telefonit tonë mobil 049 562 660 dhe gjithashtu përmes bankave tona pjesëmarrëse. Ato kanë të gjitha informatat rreth Programit dhe si të kontaktojnë Konsulentët e Programit”, tregon ai për Telegrafin.
Në kuadër të programit ofrohet po ashtu edhe asistencë teknike falas e financuar po ashtu nga Bashkimi Evropian e cila ju mundëson NVM-ve të optimizojnë nevojat investive për të arritur përputhshmëri me Direktivat Prioritare të BE-së.
Ky program është zhvilluar për të ndihmuar NVM-të të plotësojnë rregullat e reja dhe të kuptojnë kërkesat për përmirësim në fushën e mbrojtjes së ambientit, mirëqenies dhe sigurisë në punë dhe kualitetit dhe sigurisë së produktit.
Projektet mund të financohen me një ose më shumë kredi me vlerë totale deri në 1 milion euro për çdo kompani ose grup të kompanive. Projektet investuese duhet të përmirësojnë konkurrueshmërinë e kompanisë në çfarëdo tregu dhe të arrijnë përputhshmëri me një ose më shumë direktiva të BE-së. /Telegrafi/
Promo
Reklamo këtuLufta Prigozhin - Putin
Më shumëBANA’S, restauranti i Arbana Osmanit arrin në HyperActive në Prishtinë
Popeyes® vjen në Kosovë
Banka Botërore 90 milionë euro kredi Kosovës
"Holiday In 2” zhytu në jetën bregdetare me apartamentin tuaj të ëndrrave në plazh
Çmimet më të mira për Ramazan në Emona Center
Kosova do të bëhet me impiant fotovoltaik diellor me kapacitet 100 MW, Murati: Projekti më i madh në rajon i këtij lloji
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Sot harroni të gjitha hallet, ZBRITJA në Deals me na shku huq nuk na falet
Përfito nga zbritja dhe apliko në trajnimin për Bazat e Menaxhimit të Burimeve Njerëzore
Zbulo qysh mundesh me i vesh gërshetat me ZBRITJE
Më të lexuarat
Konfirmojnë lidhjen e dashurisë - Erolld Belegu dhe Diola Dosti shfaqen më të lumtur se kurrë
Deklarimet e Vuçiqit për luftë, deputeti gjerman i reagon ashpër Borrellit e Lajçakut, po e akuzoni Kurtin pa arsye
Aeroplani supersonik që ishte më i shpejtë se Concorde
Babai i Gentian Bejtjes: Nëse djali im ka vrarë e ka prerë, i jap dorën atij që e vrau!
Premtimi i Abelard Tahirit: Nëse Kurti edhe një herë bëhet kryeministër, unë e lë mandatin e deputetit
Barcelona i përgjigjet çmimit që Man Utd i ka vënë kartonit të Greenwood