A e kishit menduar ndonjëherë se një herë në kaq kohë duhet të pastroni dhe kazanin e rrobalarëses?

Nëse ndjeni që rrobat pas larjes kanë një si erë të çuditshme (jo detergjenti) kjo do të thotë që goma e makinës larëse është e mbuluar nga myku.

Nëse vëreni njolla të zeza në unazat e gomës të rrobalarëses ajo që po shihni është myk shumë i dëmshëm që shkakton disa sëmundje tek njerëzit.

Lagështia, ngrohtësia e shndërrojnë gomën e rrobalarëse në një terren ideal për shumimin e biosporeve, të cilat mund të depërtojnë shumë lehtë në pëlhurat e rrobave.

Por mos u shqetësoni, myku në rrobalarëse nuk do të thotë se duhet ta ndërroni këtë të fundit.

Në të vërtetë mund të pastrohet lehtë dhe Living do ju tregojë më poshtë mënyrën:

Në një enë shtoni 5 litra ujë, 1 litër lëng limoni dhe 1 litër ujë të oksigjenuar. Më pas veproni në këtë mënyrë. Njomni një sfungjer në përzierjen e mësipërme dhe pastroni gomën rrethuese derisa të hiqni të gjitha njollat e mykut.

Përveç gomës së derës, një tjetër habitat ku rriten mikrobet është kazani i rrobalarëses. Merrni një shishe spërkatëse dhe mbusheni me lëngun e mësipërm. Spërkatni të gjitha vrimat e kazanit dhe lëreni të veprojë.

Të njëjtën gjë bëni edhe në vendin ku hidhni detergjentin. Pas një ore bëni një proces shpëlarjeje pa kurrfarë rrobash brenda.

Mos harroni që pas çdo larjeje të lini hapur derën e rrobalarëses që të ajroset dhe të thahet. /Telegrafi/