Problem i ri për Bidenin: Mijëra emigrantë nën një urë në Teksas

Mijëra emigrantë mbërritën nën urën që lidh qytetet Del Rio në Teksas dhe Acuno në Meksikë dhe ngritën një kamp të improvizuar në vapë, duke i hapur presidentit amerikan, Joe Biden me një problem të ri kufitar me të cilin do të përballet.

Temperaturat rriten në 37 gradë Celsius, dhe ka shumë pak ushqim dhe ujë, kështu që qindra emigrantë janë detyruar të kalojnë Rio Grande dhe të kthehen në Meksikë për të grumbulluar ushqimet bazë, të cilat u thanë gazetarëve të Reuters që nuk i marrin me amerikanët.

Emigrantët janë kryesisht nga Haiti, por ka edhe nga Kuba, Venezuela dhe Nikaragua.

Kushtet e vështira në kufi pasqyrojnë sfidën humanitare me të cilën përballet Biden, ndërsa numri i personave të arrestuar në kufi është më i larti në njëzet vjet. Autoritetet amerikane arrestuan më shumë se 195 mijë emigrantë në kufirin meksikan në gusht, tregojnë shifrat e qeverisë të publikuara të mërkurën.

Shërbimi doganor dhe kufitar nuk iu përgjigj një pyetjeje se sa njerëz janë në kampin në Del Rio, dhe një zyrtar i tha reuters se ka rreth 6,000 njerëz atje.

Patrulla kufitare tha se po shtonte stafin në Del Rio për të siguruar “trajtim të sigurt dhe njerëzor”. Uji i pijshëm dhe tualetet portative ofrohen për emigrantët, shtohet në deklaratë.

Presidenti amerikan Biden, një demokrat që mori detyrën në janar, hodhi poshtë shumë nga masat e rrepta të imigracionit të vendosura nga paraardhësi i tij, republikani Donald Trump.

Del Rio ndodhet në rrethin Val Verde, i cili votoi për Trumpin në zgjedhjet e vitit 2020. Disa banorë të atij qyteti kufitar thonë se qeveria federale i ka braktisur ata kur bëhet fjalë për sigurinë kufitare. /Telegrafi/