Kandidati për guvernator nga radhët e Republikanëve, Larry Elder, ka përjetuar një pritje jo edhe aq të këndshme në Los Angeles të Kalifornisë, ku një grua me maskë të gorillës e sulmoi me vezë.

Gruaja në biçikletë siç mund të shihet në videon e publikuar më poshtë, fillimisht e sulmon verbalisht dhe më pas e godet me vezë në kokë, transmeton Telegrafi.

Por duket se as kjo nuk i mjaftoi, pasi iu vërsul edhe fizikisht, por ishin pjesëtarët e sigurimit që e parandaluan këtë.

Elder i cili është udhëheq i një shou, kishte shkuar për të vizituar një kamp për të pastrehët në kuadër të fushatës së tij që po afrohet – më 14 shtator dhe çdo herë po bëhet më e nxehtë.

E duke parë rrezikun, Republikani u fut menjëherë në veturën e parkuar dhe u largua nga vendi i ngjarjes për të shmangur diçka më të keqe. /Telegrafi/