Hakerët ukrainas kanë krijuar profile të rrejshme në rrjetet sociale, ku prezantohen si gra për të mashtruar ushtarët rusë dhe të mësojnë për lokacionet e tyre, dhe më pas u mundësojnë forcave ukrainase të shkatërrojnë bazat e armikut.
Agresioni rus detyroi ukrainasit të gjejnë metoda të reja për udhëheqjen e luftës, e tashmë dihet se përdorin dronët komercial dhe pilotët civilë që të operojnë edhe me dronët ushtarak për t’u mbrojtur nga armiku, derisa Perëndimi u ka ofruar sasi të madhe të armëve, ku ushtria ukrainase po shfaqet inovative që sulmet e saj të rezultojnë sa më efikase.
Ndihmë të madhe po ofrojnë edhe profesionistët e fushës së teknologjisë informative, që janë bërë hakerë dhe aftësitë e tyre po i përdorin për ta mbrojtur vendin nga armiku, transmeton Telegrafi.
Ata punojnë nga lokacione të fshehta dhe të sigurta, e një grup të tillë e udhëheq Nikita Knysh. Ky 30-vjeçar më herët ka punuar si ekspert në sigurinë kibernetike, duke parandaluar sulmet e shumta.
Pasi Rusia filloi sulmet në Ukrainë më 24 shkurt, Nikita vendosi të qëndrojë në Ukrainë dhe ta mbrojë vendin e tij. Kontaktoi me mentorin e tij dhe njërin prej ukrainasve më të pasur, Vsevolod Kozemjak, duke kërkuar internet satelitor Starlink, që Ukrainës ia ka ofruar biznesmeni amerikan dhe njëherit drejtori i kompanisë SpaceX, Elon Musk.
Më pas formoi ekipin prej 30 personave, të cilët i akomodoi në një bujtinë. Ky grup mori emrin Hackyourmom, që filloi të kryej sulme mbi Rusinë – duke përdorur aftësitë kompjuterik dhe internetin satelitor pa pagesë të Starlink.
Nikita ka thënë për Financial Times se ky grup është përgjegjës për kërcënime të rrejshme për bomba në aeroplanë që po udhëtonin drejt Rusisë, ku si pasojë ka ardhur deri te anulimi apo shtyrja e fluturimeve.
Por suksesi më i madh i hakerëve ukrainas është mashtrimi i ushtarëve rusë, të cilëve ua zbuluan lokacionet ku ishin stacionuar. Lideri i këtij grupi të hakerëve pranoi se ishin prezantuar si gra atraktive në disa rrjete sociale përfshirë Telegramin, nga ku kontaktuan me ushtarët rusë në Melitopol.
Ata e dinin se rusët duan të lavdërohen se janë luftëtarë dhe u kërkonin fotografi. E pikërisht këto fotografi ukrainasit i përdorin për zbulimin e lokacioneve të ushtarëve – e bëhet fjalë për një bazë ushtarake jo larg Melitopolit të okupuar.
Këto informacione më pas i kanë dërguar në ushtrinë ukrainase, që pas aksionit ushtarak hodhën në erë këtë bazë ushtarake të rusëve.
Përveç kësaj, Nikita pretendon se grupi i tij është përgjegjës për sulmet kibernetike mbi televizionet ruse, duke zbuluar databazën e të dhënave të partnerëve ushtarakë të rusëve.
Ky grup i hakerëve më nuk qëndrojnë në bujtinën që ishin “akomoduar” në fillim të luftës në Ukrainë. Tani punojnë nga zona tjera për arsye sigurie.
Javën e kaluar është bërë e ditur se këta hakerë sulmuan Yandex Taxi duke dërguar dhjetëra vetura në lokacionin e njëjtë, pasi “futën duart” në aplikacionin e kësaj kompanie.
Të gjitha veturat janë dërguar në Kutuzovski Prospekt në Moskë ku gjendet Hotel Ukraina. /Telegrafi/
Lufta Prigozhin - Putin
Më shumëCili është objektivi i radhës i Rusisë?
Pamje që tregojnë momentin kur ukrainasit 'fshijnë nga faqja e dheut' pjesë të sistemit rus që kushton 5 milionë dollarë
Këta janë aeroplanët 'Rafale' që do të mbrojnë qiellin në Kroaci - të cilët i do edhe Serbia
Qëllimi i Putinit nuk është Ukraina, por Evropa - paralajmëron ministri gjerman
Ukraina tërheq nga vijat e frontit tanket amerikane Abrams për shkak të kërcënimeve nga dronët rus
Mercenari serb që lufton për rusët në Ukrainë i ankohet Putinit, thotë se nuk iu dha shtetësia ruse
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë