0Shares

Revolucioni Kulturor kinez nisi më 1966, i nxitur nga Mao Zedong që të rinjve u tha: “Bota u takon juve; e ardhmja e Kinës u takon juve”!

Si shumë diktatorë paranojakë, ai mendonte se disa persona në Partinë Komuniste të Kinës komplotonin duke devijuar nga “rruga e drejtë”. Ndaj, thirri rininë të spastrojë këto elemente revizioniste dhe të rikthejë në vend frymën revolucionare. Kështu, nxënësit e shkollave të mesme dhe studentët formojnë grupet paramilitare, të ashtuquajturën Garda e Kuqe që sulmon të vjetrit dhe intelektualët. Shkollat u mbyllën dhe u shndërruan në objekte torturash e hetimi.

NE, ATA DHE PËRBINDËSHI NE, ATA DHE PËRBINDËSHI

Vlerat tradicionale u përdhosën, shtëpitë bastiseshin, digjeshin librat, revistat, veprat e artit, objektet e kultit dhe artefaktet historike… Ata që nuk pëlqeheshin turpëroheshin, torturoheshin dhe vriteshin. Shumëkush, për të shmangur torturat, bënte vetëvrasje. E, Mao i ndalonte policët të kryenin hetime, sepse dhuna e kaosi për të ishin simbol i revolucionit. Mu për këtë, nuk dihet ende saktë se sa njerëz humbën jetën gjatë këtij revolucioni të tmerrit: 500 mijë, dy apo tetë milionë?!

Më 1968, për ta vënë nën kontroll Revolucionin Kulturor, Mao vendos të dërgojë miliona të rinj të shkolluar të qyteteve – lartë në male e poshtë në fshatra – për t’u edukuar nga bujqit e çobanët, e duke lënë qytetet me analfabetë.

Më poshtë janë pamjet e posterëve me “fytyra të lumtura”, përmes të cilëve propagandohej kjo nismë tjetër e çmendur e tij! /Telegrafi/

Të Ngjajshme
Shfaq Komentet (0)