Ederson u transferua për 35 milionë funtesh te Manchester City në vitit 2017, ndërsa aftësitë e tij me këmbë kanë qenë mbresëlënëse saqë shumë prej tyre kanë besuar se ai do të jetë i aftë të luajë edhe si lojtar.

Ish-portieri i Benficas ka shfaqur një besim të frikshëm me topin në këmbë dhe madje ka dhuruar edhe dy asistime në sezonin e kaluar për Sergio Aguero dhe Raheem Sterling.

Aguero shënon gol të bukur me parabolë pas asistimit të portierit Ederson Aguero shënon gol të bukur me parabolë pas asistimit të portierit Ederson

Për më tepër, ai në një ndeshje kundër Wolves në muajin janar, ai lëshoi golin e tij dhe doli deri afër mesit të fushës, duke shkëmbyer tri pasime me bashkëlojtarët.

Ederson gjatë ndeshjes ndaj Wolves

Ederson ka treguar se çfarë është i aftë të bëjë edhe në një ndeshje bamirësie që ai organizoi në vendlindjen e tij së bashku me këngëtarin brazilian MC Guime.

I veshur me fanellën e numër 10 dhe duke luajtur në të njëjtën skuadër me Gabriel Jesus, Ederson shënoi dy herë në fitoren 5-4 të ekipit të tij.

Ederson hyn në librin e rekordeve Guinness Ederson hyn në librin e rekordeve Guinness

Goli i parë i portierit erdhi nga pika e bardhë, ku Ederson shënoi me lehtësi dhe stil.

Ndërsa, goli i dytë tregoi cilësitë e tij me top, ku braziliani kreu disa driblime para shënimit. /Telegrafi/