Politikanët në Maqedoninë e Veriut e urojnë Albin Kurtin për marrjen e postit të kryeministrit të Kosovës
Udhëheqësit e partive politike, si dhe bartës të funksioneve shtetërore në Maqedoninë e Veriut, e kanë uruar Albin Kurtin, për marrjen e postit të kryeministrit të Kosovës, si dhe themelimin e institucioneve shtetërore.
Politikanët në Maqedoninë e Veriut shpresojnë në bashkëpunim të mirë me kryeministrin e ri të Kosovës.
Më poshtë i keni urimet e disa prej tyre:
Oliver Spasovski – kryeministër i Qeverisë teknike:
Urime Kryeministrit Albin Kurti për formimin e Qeverisë së re. Shpresoj që në periudhën në vijim do të vazhdojmë të ndërtojmë bashkëpunim më të afërt në shërbim të qytetarëve të Kosovës dhe Maqedonisë së Veriut.
Ali Ahmeti – kryetar i BDI-së:
I dashur Albin, nëpërmjet të këtyre rreshtave desha të të përcjell uratat më të sinqerta nga të gjithë ne pranë Bashkimit Demokratik për Integrim për zgjedhjen Kryeministër i Republikës së Kosovës dhe të të uroj shëndet, mandat të suksesshëm dhe të mbarë. Ne jemi takuar shpesh dhe kemi diskutuar gjërë e gjatë duke këmbyer mendime për zhvillimet politike, sfidat dhe qëllimet tona të përbashkëta. Ti e di se tek unë dhe tek të gjithë ne në Bashkimin Demokratik për Integrim do të gjesh partner të sinqertë dhe mbështetës në drejtim të realizimit të synimeve që i ndajmë dhe përpiqemi ti jetësojmë bashkë. Duke shprehur konsideratën time të lartë dhe i vetëdishëm për punët e mëdha që e presin Kosovën dhe rajonin, të uroj maturi dhe mbështetje të gjërë dhe me sinqeritetin më të madh të shtrij dorën e bashkëpunimit dhe përkrahjes.
Ziadin Sela – kryetar i Aleancës për Shqiptarët:
Me të vërtetë kjo frymë e re në Kosovë po dëshmon se ndryshimi është bazë e demokracisë. Bazë e rikthimit të shpresës dhe jetës në Kosovë! Jam i lumtur që erdhi dita për këtë ndryshim, erdhi dita që ta uroj Albin Kurtin dhe qeverinë e re të Kosovës i bindur se çdo fjalë e thënë do të bëhet realitet. Sepse kur interesi i përgjithshëm, i shtetit e i popullit vihet para interesit personal e partiak nuk ka se si ndodh ndryshe. Qoft ky ndryshim reflektim edhe mbi realitetin tonë në Maqedoninë e Veriut, qoftë ky ndryshim pikënisje e çdo ndryshimi tjetër ku do për të mirën e të gjith neve. Urime edhe njëherë për Kryeministrin Albin Kurti dhe qeverinë e re të Kosovës!
Bilall Kasami – kryetar i Lëvizjes Besa:
Arritja e marrëveshjes për formimin e Qeverisë së re mes Lëvizjes VETËVENDOSJE dhe LDK-së është një lajm i mirë jo vetëm për Kosovën dhe shqiptarët por edhe për gjithë rajonin. Përfundimisht në Kosovë u vulosë vullneti i qytetarëve për ndryshim dhe qeverisje të re. Urojmë që sa më shpejt Kosova të formalizojë ndryshimet në institucione dhe të vazhdojë rrugëtimin krah për krah me vendet e rajonit drejt euro-integrimeve. Urime Kosovë!
Afrim Gashi – kryetar i Alternativës:
Themelimi i institucioneve të Kosovës me qeveri të re e cila e përfaqëson vullnetin e qytetarëve të shprehur me 6 tetor, është lajmi i shumëpritur nga shqiptarët kudo që ata ndodhen. Kjo frymë e ndryshimit nuk është lajm i mirë veç për Kosovën, por është edhe jehonë që do të shtrihet përtej kufijve të saj, se tashmë ka ardhur dita e gjeneratave të reja dhe pa hipoteka për të qeverisur. Urime, Kosovë! Urime miku im Albin Kurti detyrën e re! Ju priftë e mbara.
Menduh Thaçi – kryetar i PDSH-së:
I nderuari Kryeministër z. Albin Kurti. Zgjedhja Juaj si Kryeministër dëshmoi edhe njëherë se Republika e Kosovës ka vlera të larta civilizuese dhe kapacitete demokratike, andaj në emrin tim personal dhe në emër të Partisë Demokratike Shqiptare ju urojmë suksese në detyrën e re. Shprehim bindje se me zgjedhjen e Juaj në këtë detyrë padyshim do të kontribuoni në avancimin e standardeve demokratike të shtetit të Kosovës drejt rrugës së integrimit në Bashkimin Evropian dhe NATO. Njëkohësisht, popullit të Kosovës i uroj paqe, prosperitet dhe mirëqenie ekonomike. Me respekt.
Lufta Prigozhin - Putin
Më shumëKryesuesja në KS të OKB-së përplaset ashpër me Vuçiqin për minutat e fjalimit
Gjykimi për vrasjen e trefishtë në Gllogjan, dëshmitari tregon se çka i kishte thënë i akuzuari në natën kritike
Përplasja e SHBA-së me Rusinë në KS të OKB-së: Nuk mund të ndryshoni historinë e intervenimit të NATO-s në Kosovë
Mijëra euro kursime, banesa, e shtëpia - çfarë pasurie posedojnë kryetarja e Gjykatës Kushtetuese dhe gjashtë gjyqtarët tjerë?
Katër të mbijetuara të luftës nuk u lejuan të futeshin në sallën e KS të OKB-së, Osmani refuzoi pjesëmarrjen derisa lëshoi pe protokolli
Vdes 71-vjeçari në Lipjan, goditet nga një kamion derisa ishte brenda në veturë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Si Izraeli përdori dronët për të ngatërruar mbrojtjen ajrore iraniane përpara se të "gjuante raketat supersonike Rampage" - një sulm preciz që heshti Teheranin
Kryesuesja në KS të OKB-së përplaset ashpër me Vuçiqin për minutat e fjalimit
Përplasja e SHBA-së me Rusinë në KS të OKB-së: Nuk mund të ndryshoni historinë e intervenimit të NATO-s në Kosovë
Gjykimi për vrasjen e trefishtë në Gllogjan, dëshmitari tregon se çka i kishte thënë i akuzuari në natën kritike
Katër të mbijetuara të luftës nuk u lejuan të futeshin në sallën e KS të OKB-së, Osmani refuzoi pjesëmarrjen derisa lëshoi pe protokolli
"Ndoshta pse jam shqiptare", Dua Lipa zbulon një talent sekret që ka të bëjë me prejardhjen e saj