Blerja e mijëra armëve të reja nga policia serbe e Bosnjës dhe Hercegovinës ka ngritur shqetësime rreth qëllimeve të qeverisë rajonale të udhëhequr nga separatistët dhe thellimin e ndikimit rus në një shtet të ndarë dhe ekonomikisht të jo të zhvilluar sa duhet.
Sipas mediave të huaja, përcjell Telegrafi, bëhet fjalë për një dërgesë prej 2,500 pushkësh automatike të cilat nga Serbia do të mbërrijnë në mars, në gjysmën e Bosnjës të drejtuar nga serbët, disa javë përpara hapjes së planifikuar të një qendre të re trajnimi ku këshilltarët rusë pritet të luajnë një rol të rëndësishëm.
Siç shkruan më tej The Guardian, armët po arrijnë në një kohë kur stabiliteti afatgjatë i Bosnjës është në dyshim.
Mediat rikujtojnë faktin se Marrëveshja e paqes e Dejtonit përfundoi konfliktin boshnjak pak më shumë se 22 vjet më parë, duke e ndarë vendin në dy pjesë gjysmë autonome: Republika Srpska (RS) dhe një Federatë myslimano-kroate.
Marrëveshja ndaloi vrasjen, por sipas tyre, krijoi një sistem që shpërbleu politikat e bazuara etnikisht – partitë nacionaliste kanë një kontroll të ngushtë në pushtet, korrupsioni është i përhapur dhe vendi ka shkallën më të lartë zyrtare të papunësisë së të rinjve në botë.
Ndërkaq, aktivistët e shoqërisë civile serbe, qeveria qendrore e Bosnjës në Sarajevë dhe diplomatët perëndimorë besojnë se një njësi e re policore e armatosur do të përdoret nga kreu separatist serb boshnjak, Milorad Dodik, për të forcuar pozitën e tij dhe për të trembur kundërshtarët përpara zgjedhjeve në tetor.
Në afat më të gjatë, ata frikësohen se forca mund të përdoret për të vazhduar synimet e Dodik për pavarësi, me rrezikun e një lufte të re në rajon.
Rusia, e cila e sheh Dodikun si një bastion kundër anëtarësimit të Bosnjës në NATO, ka treguar mbështetje të fortë për separatistin serb, i cili e ka takuar Vladimir Putin të paktën gjashtë herë që nga viti 2014.
Të hënën, Dodik konfirmoi blerjen e armëve, e cila u raportua për herë të parë nga mediat në Sarajevë dhe ai tha se do të ndërmerrte hapa të mëtejshëm për të armatosur policinë për “luftën kundër terrorizmit”.
“Është një veprim krejtësisht legjitim dhe nuk kemi asgjë për të fshehur”, citohet të ketë thënë Dodik. “Për 20 vjet nuk kishim të drejtën për të pajisur policinë, tani kemi vendosur ta bëjmë atë”.
Ndërkaq përfaqësuesi i lartë i bashkësisë ndërkombëtare në Bosnje, Valentin Inzko shprehu shqetësim në lidhje me dërgesën.
“Dua që vendi të ketë sa më pak armë të jetë e mundur. Nëse njëra palë merr këto lloj armësh, atëherë pala tjetër do t’i dëshironte gjithashtu”, tha ai. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Vdes burri që i vuri flakën vetes para gjykatës ku gjykohej Trumpi – ai kishte një mesazh për amerikanët
Shpërthim në një bazë ushtarake irakiane që kishte lidhje me Iranin, SHBA-ja dhe Izraeli thonë se nuk e kryen sulmin
Argjentina zyrtarisht kërkon t’i bashkohet NATO-s
Treni në Japoni u nis me 17 minuta vonesë: Kur pasagjerët dëgjuan arsyen, askush nuk u zemërua
Pse Irani po mundohet ta fshehë sulmin izraelit?
Argjentina zyrtarisht kërkon t'i bashkohet NATO-s
‘Hakmarrja’ e Izraelit ndaj Iranit - gjithçka që ndodhi në ditën kritike
Ky është heroi më i ri i Dubait - ai shpëton një familje që kishte ngecur në veturë shkaku i përmbytjeve
Pas ‘hakmarrjes’ së Izraelit ndaj Iranit, reagon shefi i NATO-s
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
‘Hakmarrja’ e Izraelit ndaj Iranit - gjithçka që ndodhi në ditën kritike
Serwer tregon se pse Serbia i frikësohet anëtarësimit të Kosovës në Këshillin e Evropës
Barcelona po nënshkruan mega-kontratë, ajo do t'i sjellë klubit mbi një miliard euro
Treni në Japoni u nis me 17 minuta vonesë: Kur pasagjerët dëgjuan arsyen, askush nuk u zemërua
Pas ‘hakmarrjes’ së Izraelit ndaj Iranit, reagon shefi i NATO-s
Von Cramon: Nëse Kosova e Serbia përfitojnë më shumë nga moszbatimi i marrëveshjeve, vështirë të bëhet diçka në Bruksel