Ndërkohë, vijon ndalimi i shtetasve kosovarë, të cilët duan të kalojnë ilegalisht kufirin. Për shkak të kundërvajtjes, ata gjobiten me tarifa nga 50 deri në 500 euro.

"Për shkak të shtimit të numrit të emigrantëve ne kemi marrë ndihmë nga qendrat tona rajonale, por edhe nga njësitet e xhandarmërisë, të cilët janë të pajisur me makina terreni dhe mjete bashkëkohore për rrezatimin e trupit. Patrullat tona janë gjatë gjithë kohës në terren dhe kemi një bashkëpunim shumë të mirë dhe me policinë hungareze”, thotë Predrag Saraq, shef për sigurimin e kufirit në Suboticë.

Në një nënkalim afër kufirit në fshatin Paliq, ku besohet se shumica prej tyre tentojnë të kalojnë kufirin dhe ku zhvillohet gjithçka rreth kalimit të kufirit, njësitet speciale kanë kapur një grup të rinjsh. Ata i thonë Policisë se nuk kanë më para dhe se kanë paguar për t'ua treguar rrugën. /Top Channel/
 

KosovëLajme